Қазақстанда коронавируспен ауырғандар 3877 болды
АСТАНА. 3 мамыр. Республика бойынша өткен тәулікте тағы 208 адам инфекция жұқтырып, олардың жалпы саны 3877-ге жетті. Бұл туралы coronavirus2020.kz сайтына сілтеме жасаған rast.kz хабарлады.
Кешегі түстен бүгінгі таңертеңге дейінгі тәулік ішінде тіркелген 208 оқиға аймақтар арасында мынадай бөлініске түсті: Алматы қаласы – 102, Ақтөбе облысы – 31, Астана қаласы – 17, Атырау облысы – 14, Алматы облысы – 7, Қызылорда облысы – 6, Павлодар облысы – 6, Жамбыл облысы – 6, Түркістан облысы – 6, Маңғыстау облысы – 6, Шымкент қаласы – 2, Қарағанды облысы – 2, Шығыс Қазақстан облысы – 2, Батыс Қазақстан облысы – 1.
Бұл тәулікте «аман» кеткен Солтүстік Қазақстан, Ақмола және Қостанай облыстары болды.
Сонымен, қазіргі сағаттағы эпидемиологиялық ахуал мынадай: Алматы қаласы – 1278, Астана қаласы – 686, Қызылорда облысы – 214, Шымкент қаласы – 206, Атырау облысы – 175, Батыс Қазақстан облысы – 164, Қарағанды облысы – 154, Ақтөбе облысы – 153, Павлодар облысы – 150, Алматы облысы – 149, Жамбыл облысы – 146, Түркістан облысы – 134, Ақмола облысы – 100, Маңғыстау облысы – 63, Қостанай облысы – 50, Солтүстік Қазақстан облысы – 30, Шығыс Қазақстан облысы – 25.
Осы кезге дейін 995 адам жазылып шығып, 26 адам қайтыс болды.
Ескертпе. Біз коронавирус инфекциясы тарауы деректерін күніне бір рет қана, осылайша таңертең жасалатын тәуліктік жиынтық мәлімет бойынша ұсынып тұрмыз.
