USD
БУДАПЕШТ. 8 сәуір. Венгрияда парламент сайлауына төрт күн қалған шақта Орбан мен оның бәсекелесінің жаңа рейтингтері жария етілді. Бұл туралы Dialog.ua ақпарына сүйенген rast.kz хабарлайды.
Хун елінің бұқаралық ақпарат құралдары сайлау алдындағы соңғы сауалнама жауаптарына сілтеме жасай отырып, Петер Мадьярдың «Тис» оппозициялық партиясы парламенттегі орындардың басым бөлігін егеленуге үміт артуына болатынын жарыса жазып жатыр.
Сауалнама бойынша, «Тис» партиясы Венгрия парламентінен 138-143 аралығында орын ала алатындай 66 пайыз дауыс жинауға қол жеткізуге тиіс. Бұл Виктор Орбан мен оның «Фидес» партиясына нақты қауіп төндіреді. Егер осы сценарий расқа айналса, елдегі билік көптеген жылдар бойы ең қатқыл жолмен өзгеруі мүмкін. Мұның жайын HVG жариялаған соңғы бес сауалнамаға негізделген Median агенттігінің деректері білдіреді.
Сайлауда Орбанның «Фидесі» бар-жоғы 49-55 мандат ала алады, ал «Ми хазанк» партиясына тағы 5-6 орын тиеді, қалғандарын түгел «Тис» қанжығасынан байлайды. Түптеп келгенде, бұл жай ғана оппозицияның көш тізгінін ұстауы ғана емес, сонымен бірге елдегі билеуші партияның парламенттегі орындар бойынша күйрей жеңілуі болып табылады. Сол парламент болашақ үкімет басшысыны да өзі сайлап алады.
Median мәліметтері бойынша, сайлаушылардың 48 пайызы «Тисаға», 30 пайызы «Фидеске» дауыс беруге дайын.
Болжам ақпан айының соңында және наурызда 5 мың адамның жалпы үлгісінде жүргізілген бес өкілдік телефон сауалнамасына негізделген.
Егер болжам расталса, «Тиса» көпшілікті ғана емес, елдің саяси архитектурасын өзгертуге мүмкіндік беретін бақылау артықшылығын алады. Орбан үшін бұл енді қиын сайлау ғана емес, оның бүкіл көп жылдық билік жүйесінің қатты құлдырау қаупін төндіретін құбылыс болмақ.
Егер билігі қолдан кетсе, Орбан ауыр зардаптарға тап болуы мүмкін. Жаңа билік қазірдің өзінде оның премьер болған соңғы 16 жылында билікті асыра пайдалануды, сыбайлас жемқорлықты және мемлекеттік ресурстарды жақын құрылымдардың пайдасына пайдалануды тергеуге дайындалып жатыр.
