Пашинянның бетке айтқан сөзінен соң Путин қозғалақтап кетті
МӘСКЕУ. 2 сәуір. Армения премьері бетіне тік қарап сөз айтқанда, Кремль қожайыны екі аяғын қоярға жер таппай ыңғайсызданып қалды. Бұл туралы Dialog.ua ақпарына сүйенген rast.kz хабарлайды.
«Армения премьер-министрі Никол Пашинян Ресей диктаторы Владимир Путинге Кремльдегі демократия жөнінде дәріс оқыды», – деп жазды бірқатар мәтбұғат құралдары.
Кремльде өткен кездесуде Армения премьер-министрі Никол Пашинян интернет цензурасы туралы зәразап мәселені көтерді, бұл тақырып әдетте ресейліктерге өте ауыр тиеді, бұл сондықтан Ресей диктаторын да ыңғайсыз жағдайға қалдырды.
Ресей бұқаралық ақпарат құралдары жариялаған видеода ашық-жарқын қалыпта жүрген кездесудің бір бөлігінде премьер-министрдің демократия жайлы сөз қозғап, Арменияда саяси бәсекелестіктің бар екенін атап өткені көрініп қалады. Бұған Путин ептеп шыжбалаңдап қалғандай болып кейіп танытты.
«Білесіз бе, Армения – демократиялық ел. Бізде әрдайым саяси үдерістер жүріп тұрады және бұл біз үшін қалыпты жағдай. Бізде жылына екі рет сайлау өтеді, ал муниципалдық сайлаулар да өте саясаттандырылған, себебі біздің саяси реформаларымыздың нәтижелеріне сүйене отырып, адамдар саяси партияға немесе қарсы дауыс береді», – деді Армения үкіметінің басшысы өзіндегі ахуалды Путин режиміндегі жалған сайлаулармен салыстырғандай сыңайда.
Содан кейін Пашинян Арменияда интернеттің тегін қызмет ететінін, республикадағы барлық әлеуметтік желілер ешқандай шектеусіз жұмыс істейтінін атап өткенде, Ресеймен салыстырудың сипаты одан әрі үдей түсті.
«Мысалы, біздің әлеуметтік желілеріміз 100 пайыз тегін, ешқандай шектеулер жоқ», – деді Хайастан премьері.
Бұл сөздер Ресейдегі интернет цензурасы күшейіп келе жатқан кезде айтылып отыр, қазір мұнда барлық шетелдік жедел хабар алмасу қызметтері, әлеуметтік желілер және бейнехостинг сайттары бұғатталып, азаматтар Ресей барлау қызметтері толығымен бақылайтын мемлекеттік Max мессенджерін пайдалануға мәжбүр бола бастаған.
Путиннің реакциясына қарағанда, Армения премьер-министрінің жоғарыда аталған сөздері Ресей диктаторын ыңғайсыз жағдайға қалдырған. Бейнежазбадан көрініп тұрғандай, оның жүйкесі жұқара бастағаны аяқтарын қоятын жер таппай, қайта-қайта қозғалаұтай түскенінен, қолын ысқылауды көбейткенінен, төмен қарай беруінен анық байқалды. Әдетте сенімсіздікке ұрынған адамда осыған ұқсас қимыл-әрекеттер көзге ұрып тұрады.
Кездесуде Пашинян Арменияның Ұжымдық қауіпсіздік туралы шарт ұйымына қатысуын тоқтату мәселесін де көтерді. Премьер-министр билік армян халқына ҰҚШҰ-ның Қарабақтағы жағдайға неліктен араласпағанын түсіндіре алмайтынын айтты. Ол Еуропа одағына өту ойларында бар екенін ашып айтты. Ал Путин бұған екі одақтың бірін ғана таңдауға тура келетінін, екеуінде бірдей болуға болмайтынын айтып жауап берді.
Еске сала кетейік, бұдан бірнеше күн алдын Никол Пашинян кешегі Ресей империясы мен Кеңес Одағы кезінен бері өздеріне орыстар тарапынан кіл өтірік тарих айтылып келгенін, шын мәнінде тек Қарабақ аумағы ғана емес, тіпті Ереван мен соған жапсарлас екі қаланың атам заманнан әзербайжан еліне тиесілі болып келгенін жақында ғана білгенін айтып, өкініш білдірді. «Біз босқа алданып келіппіз, әзербайжанның ежелгі жерін патшалы Ресейдің, сосын коммунистердің айдап салуымен тартып алған екенбіз» деген сыңайда сөз айтты.
