Қырым аспанында Ресейдің тағы бір истребителі құлап түсті
КИЕВ. 4 сәуір. Ресей басқыншылары өздері аннексиялап алған Қырымда тағы бір «Су-30» жойғышы ұшағынан айырылды. Бұл туралы Dialog.ua ақпарына сүйенген rast.kz хабарлайды.
Аннексияланған Қырымның үстінде ресейлік «Су-30» ұшағы «оқу-жаттығу рейсін» орындады, ал экипаж жерге құлағанға дейін катапультация жасап үлгерді.
3 сәуір, жұма күні жау қолындағы Қырымда ресейлік «Су-30» жойғыш ұшағы құлады. Ол жайында ресейлік БАҚ-тар Ресей Федерациясы Қорғаныс министрлігіне сілтеме жасай отырып жазады.
Ресейлік оккупанттар өздерінің «Су-30»-ы аннексияланған Қырымға «оқу-жаттығу рейсін» жасағанын атап өтті. Мәскеу уақытымен сағат 11: 00-де ол апатқа ұшыраған. Жау истребителі әуеде оқ-дәрісіз ұшып жүргені айтылады.
Ресей Федерациясының Қорғаныс министрлігі «Су-30» экипажы катапультацияға үлгерді деп мәлімдеді. Жердегі іздеу-құтқару операциясының нәтижесінде жау ұшқыштары «эвакуацияланған».
2026 жылдың көктемінде Ресей Федерациясының оккупациялық армиясы Украинаға қарсы соғыста бірнеше әскери ұшақтарынан жоғалтып алды. Мысалы, наурыз айының соңында жау «Су-34» жауынгерлік бомбалаушысынан айырылды. Оның жоғалу жағдайлары ашып айтылмайды.
Сонымен қатар, 31 наурызда аннексияланған Қырымда «Ан-26» әскери-көлік ұшағы апатқа ұшырап, Ресейдің Солтүстік флотының жоғары лауазымды офицерлері қаза тапқан болатын. 2022 жылдың 24 ақпанынан 2026 жылдың 3 сәуіріне дейін Украина Әуе қорғанысы 435 ресейлік әскери ұшақ пен 350 тікұшақты атып түсірді.
