Лиганың келесі маусымы басталатын күн белгіленді

СЬОН. 19 сәуір. Футболдан Еуропа Чемпиондар лигасыныі 2020/2021 жылдарғы маусымдағы топтық кезеңі ойындары басталатын уақыт белгіленді. Бұл туралы Football Italia хабарлады.

Еуропа футбол ассоциациялары одағы (УЕФА) келесі маусымды 20 қазаннан кейін бастауды жоспарлап отырған көрінеді.

Басылым мәнбесінің мәліметіне қарағанда, 2019/2020 жылдарғы маусымдағы еурокубоктардың коронавирус пандемиясы салдарынан тоқтап қалған матчтары ұлттық чемпионаттар өз мәрелеріне жеткеннен кейін өткізілетін болады. Атап айтқанда, Чемпиондар лигасының 1/8 финалының қалған ойындары 7 және 8 тамыз күндері ойналады. Келесі екі аптада ширек финал мен жартылай финал кездесулері өтеді, ал 29 тамызда финалға кезек келеді.

Қазіргі сәтте ширек финалға қатысатын бірнеше команданың аттары белгілі болып қойды. Олардың қатарында «Пари Сен-Жермен» (Франция), «Аталанта» (Италия), «Атлетико» (Испания), «Лейпциг» (Германия) клубтары бар.

Сол сияқты 2 және 3 тамыз күндері Еуропа лигасының 1/8 финалдық ойындары жалғасады. Ал финал 27 тамызда жалау көтереді.

Қазір УЕФА-ның атқару комитеті 23 сәуір күні коронавирус жағдайына арналған отырыс өткізеді деп күтілуде. Онда еуротурнирлер маусымының қалған күнтізбесі мәселесі талқыланады.