USD
АСТАНА. 15 қараша. Футболдан Қазақстан құрамасы әлем чемпионаты іріктеу турнирінің қорытынды матчында Бельгиямен тең түсіп, сансация жасады. Бұл туралы «Футбол на Куличках» ақпарына сүйенген rast.kz хабарлайды.
Қазақстан құрамасы әлем чемпионатының іріктеу турнирінде Бельгиямен тең ойнады.
J тобындағы кездесу Астанадағы «Астана Арена» стадионында ойналды. Ол 1:1 есебімен аяқталды.
Қазақстан – Бельгия 1:1 (1:0)
Астана. 15 қараша. «Астана Арена» стадионы, 28 000 жанкүйер
Арбитр: Донатас Румпас (Литва)
Қазақстан: Темірлан Анарбеков, Бағдат Қайыров, Әлібек Қасым, Нұралы Әліп, Ян Вороговский, Рамазан Оразов (Дамир Қасаболат, 90+1), Еркін Тапалов (Георгий Жуков, 90+1), Ислам Чесноков, Максим Самородов (Дінмұхамед Қараман, 80), Ғалымжан Кенжебек (Арсен Әшірбек, 56), Дастан Сәтбаев (Иван Свиридов, 56).
Бельгия: Матц Селс, Хоакин Сейс (Максим де Кейпер, 80), Кони де Винтер, Артур Теате, Тимот Кастань, Амаду Онана (Алексис Салемакерс, 71), Николас Раскин (Ромео Верман, 89), Шарль Де Кетеларе (Юри Тилеманс, 71), Ханс Ванакен, Жереми Докю, Леандро Троссар (Лои Опенда, 71).
Голдар: Дастан Сәтбаев (9), Ханс Ванакен (48)
Ескертулер: Еркін Тапалов (30), Амалу Онана (40), Дастан Сәтбаев (47), Бағдат Қайыров (70), Темірлан Анарбеков (84);
Алаңнан қуылу: Ислам Чесноков (79).
Қазақстан құрамасы ЧМ-2026 іріктеу турнирінің қорытынды матчында сенсация жасады. Коуч Талғат Байсуфиновтің жігіттері топ көшбасылары – Бельгия терме жамағатына өз алаңында есе жібермеді. Ал турнирдің бірінші айналымында «қызыл перілер» өз алаңында өздерінің бүгінгі қарсыластарын 6:0 етіп ұтқан еді.
Бүгінгі кездесуді алаң иелері өте екпінді бастады. Олардың алғашқы шабуылдарының бірінде Ғалымжан Кенжебектің ұрған добын Матц Селс секіріп барып қайтарды. Алайда арада небәрі бір минут өткеннен кейін алаң ортасында доп алған Дастан Сәтбаев барынша жылдам қарқынмен қонақтар айып алаңына жетіп, өзін қарауылға алып жүрген Артур Театені қапы қалдырып, қақпаның сол жақ бұрышын дәл көздеді. Гол!
Бұған дейін құрама сапында бес рет алаңға шығып үлгерген Дастан осылайша өзінің бірінші голын салды. Бұл сонымен бірге жасы жағынан ең кіші ойыншының голы тұрғысында жаңа рекорд болып тіркелді.
Сәтбаев бұдан кейін өзі алаңнан кеткенше өте жоғары деңгейде ойнады. Сондықтан оның осы жолы гол соғуы заңдылық еді.
Ойын тізгінін көбірек ұстаған бельгиялықтар екінші таймның басында таразы басын теңестіріп кетті. Голды 48-минутта Ханс Ванакен баспен ұрып түсірді. Меймандар бұдан кейін де есепті ұлғайтуға біраз мүмкіндік алды. Бірақ олардың алдына қарсы тұрып алған қақпашы Темірлан Анарбеков бұған жол бермеді.
Матчтың соңында оның үздік ойыншысы ретінде сондықтан біздің голкипердің аты аталды. Ол кездесуде 8 сейв жасады.
Турнирді 4 ұпаймен аяқтаған Қазақстан құрамасы топта төртінші орынға жайғасты.
Ал топ бастап келе жатқан Бельгия әлем чемпионатына жолдаманы бұл жолы ала алмай қалды. Ол лицензия алу үшін енді 18 қараша күні Лихтенштейнмен өтетін ойынында жеңіске жетуі керек.
