Әлемде вирус жұқтырғандар 1,5 миллионнан асты

БАКУ. 9 сәуір. Әлемде коронавирус инфекциясын жұқтырған адамдардың саны 1,5 миллионнан асып кетті. Бұл туралы онлайн-статистикаға сәйкес Oxu.Az хабарлады.

Қазіргі сәтті жер жүзінде 1 504 665 COVID-19 инфекциясы оқиғасы ресми түрде тіркеліп отыр. Бұлардың арасында 87 978 адам құрбан болып үлгерген. Ал коронавирустан жазылып шыққандар сапын 319 286 адам құрайды.

Сырқат жұқтырғандардың қатары АҚШ-та қалың, онда 425 469 адам тіркелген. Кісі өлімі  жағынан Италия алда тұр, онда 17 699 адам ковид кеселі кесірінен көз жұмған.

Бұдан кейінгі орындарда мына елдер тұр (алғашқы жиырмалықты осылар құрайды): 2.Испания – 136 675;

3.Италия – 132 547;

4.Германия – 102 453;

5.Франция – 98 010;

6.Қытай – 81 708;

7.Иран – 60 500;

8.Ұлыбритания – 51 608;

9.Түркия – 30 217;

10.Швейцария – 21 675;

11.Бельгия – 20 814;

12.Нидерланд – 18 803;

13.Канада – 16 558;

14.Австрия – 12 293;

15.Бразилия – 12 056;

16.Португалия – 11 730;

17.Корея – 10 284;

18.Израиль – 8 904;

19.Ресей – 8 672;

20.Швеция – 7 206.