Қазақстанда коронавирус бой бермей кететін түрі бар

АСТАНА. 28 наурыз. Ақпарат және қоғамдық даму министрі Дәурен Абаев бүгін Қазақстанда коронавирус эпидемиясы бақылаудан шығып, бой бермей кетуі мүмкін екенін айтты. Бұл туралы ҚазТАГ хабарлады.

«Қазақстанда коронавирус бақылаудан шығып кетуі мүмкін», – деді министр сенбі күні өткен брифингте қазақ тілінде. Ол сонымен бірге карантин шараларын сақтаудың қажеттігін мәлімдеді.

Абаев өзінің сөзінде бір түнде 40-тан аса адамның ауру жұқтырғанын, мұның қауіпті мөлшер екенін атап өтті.

Қазіргі таңда Қазақстанда инфекция жұқтырып алғандардың саны 204-ке жетті. Әзірге 15 адам сауығып шықты, 1 адам қайтыс болды.