Біртанов қолды қалай жуу керек екенін көрсетті (видео)

АСТАНА. 23 наурыз. Денсаулық сақтау министрі Елжан Біртанов коронавриустан сақтану үшін қолды қалай жуу керек екенін жұртшылыққа арнайы көрсетіп берді. Бұл туралы 365info.kz хабарлады.

Қазақстанның бас дәрігері #SafeHands челледжіне қосылды.

«Қымбатты достар! Мен ВОЗ-дың басшысы доктор Тедростан эстафетаны қабылдап аламын. Өзімізді коронавирус инфекциясынан қауіпсіз ету үшін мен сіздерден қарапайым ғана тазалық ережесін сақтауды өтінемін. Мұның негізі – қолды сабынмен кем дегенде 20 секунд жуып шығу. Мен мына бейнажазбада сіздерге қолды қалай мұқият жуу керек екенін көрнекі түрде көрсетіп беремін», – деді Елжан Біртанов.