Жаңалықтар жаңғырығыРуханият

Димаш Қытай платформасында жеңімпаз атанды

АСТАНА. 29 маусым. Димаш Құдайберген «Leading 2020 Sina Entertainment festival» рейтингінде үздік шетел әртісі деп танылды. Бұл туралы «ҚазАқпарат» хабарлады.

Маусымның 7 және 28-і аралығында Қытайдың танымал Sina платформасында «Leading 2020 Sina Entertainment festival» жобасының қатысушыларына дауыс беру рәсімі өтті. Ұйымдастырушылар – Sina News және Sina Entertainment. 21 күнге созылған дауыс беру қорытындысында Димаш 1 млн 404 мың 488 дауыс жинап, «Ең үздік танымал шетел әртісіі» номинациясын жеңіп алды.

Sina (қытай тілінде: 新浪; pinyin: Xīn Làng) – қытайлық интернет-компания. Ол дүние жүзіне қолжетімді хабар алмасу платформасын ұсынып отыр. Компанияның 4 негізгі қызмет бағытта: олар Sina Weibo, Sina Mobile, Sina Online және Sinanet. Sina-ның әлем бойынша 100 миллионнан астам тіркелген қолданушысы бар.

«Бүгінде Sina компаниясы және оның платформалары Қытайдың медиакеңістігі мен көңіл көтеру саласына үлкен ықпалын тигізіп отыр. Sina Weibo – Twitter-ге ұқсас, Қытайдағы микроблогинг нарығының 56,5 пайызын қамтып отырған әлеуметтік микроблог-желі.

Сонымен қатар, өздерінің сүйікті айдолдарына қолдау білдіру үшін жиналатын фанаттардың ең ірі әрі маңызды платформасы. Сонымен бірге, танымал адамдар Weibo желісінде жеке аккаунттар тіркеп, шығармашылығымен бөлісіп, фанаттарымен байланыс орнатады», – делінген ақпаратта.

Мәлім етілгендей, «Leading 2020 Sina Entertainment festival» шарасының басты мақсаты – 2020 жылдың бірінші жартысында үздік деп танылған фильмдер, телебағдарламалар, музыкалық шығармалар және варьетемен көпшілікпен бөлісу. Осылайша, әртістермен және олардың жұмыстарымен неғұрлым көп адам танысып, ойын-сауық индустриясының дамуына оң әсерін тигізеді.

Таңбалар
Тағы көрсету

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Ұқсас мақалалар

Back to top button
Жабу
Жабу