Ыстықкөлде «Мейкин Азия» ән фестивалі өз мәресіне жетті
ЧОЛПОН-АТА. 24 шілде. Өткен түнде Қырғызстанның Ыстыккөлі жағасындағы Чолпон-Ата шаһарында «Мейкин Азия» фестивалі аяқталды. Бұл туралы 24. kg ақпарына сүйенген rast.kz хабарлайды.
Чолпон-Атада «Мейкин Азия» халықаралық музыкалық конкурсы өзінің мәресіне жетті. Ол 20-22 шілде аралығында өтті.
Фестивальге 25 елдің орындаушылары қатысты. Олардың арасында Қазақстан, Өзбекстан, Түркия, Ресей, Франция, Грекия, Босния және Герцеговина секілді көптеген елдерінің өкілдері бар.
Конкурс Гран-приін Романия (Румыния) әншісі Диана Стынчуляше жеңіп алды. Бас жүлде иесіне $8 көлемінде ақшалай сыйлық табыс етілді.
Бірінші орынға қырғыз Урмат Сатыбалдиев лайықты деп табылды. Оған $6 мөлшерінде сый ақы тапсырылды.
Екінші орынды үш қатысушы бөліп алды. Оларды Виталий Дроб (Беларусь), Камир (Қырғызстан), Кира Гоголадзе (Ресей) құрады. Үшінші орын да үш орындаушыға бұйырды. Олар Полина Тасева (Солтүстік Македония), Едже Аса (Түркия), Тулқин Таджиева (Өзбекстан) болып топтасты.
Жеңімпаз көп сатылы іріктеудің қорытындысы бойынша анықталды.
Аты әлемге танымал әншісі Димаш Құдайберген, Башқұртстанның Ay-Yolа тобы және Хайастан (Армения) әншісі Sevak фестивальдің құрметті қонақтары ретінде келді.
Қырғызстан президенті Садыр Жапаров пен Моңғолия президенті Ухнаагийн Хурэлсух өнер кешініңі қонақтары болды. Моңғол лидері Алатоо баурайына 22 шілде күні мемлекеттік сапармен келген еді.
Мемлекеттік хатшы Марат Иманкулов фестивальдің жабылу салтанатында Димаш Құдайбергенге Қырғызстан мен Қазақстан арасындағы достық және мәдени байланыстарды нығайтуға қосқан үлесі үшін «Қырғыз Республикасының халық әртісі» атағын тапсырды. Осыған тиісті жарлыққа Садыр Жапаров қол қойды.
24.kg анықтамасы
«Мейкин Азия» – жас таланттарды алға жылжыту және оларға қолдау көрсету бағытын ұстанған платформа. Фестиваль Азия мен Еуропаның 25-тен астам елінің басын біріктіреді.
Ол Қырғызстанның Мәдениет, ақпарат және жастар саясаты министрлігінің ұйымдастыруымен 2013 жылдан бері өтіп келеді. Бұған дейін фестиваль 2013, 2014, 2015 және 2023 жылдары жалау желбіретті.
