Қазақстанда вирус жұқтырғандар 1091-ге барды

АСТАНА. 13 сәуір. Астана уақыты бойынша түнгі 23:40 сағатта Қазақстанда коронавирус жұқтырғандар саны 1091-ге жеткені анықталды. Бұл туралы coronavirus2020.kz сайтына сілтеме жасаған rast.kz хабарлады.

Бүгін түс ауғаннан кешке дейін 112 вирус жұқтырған адам анықталды. Бұлар мына қалалар мен аймақтардан шықты: Алматы қаласы – 99, Астана қаласы – 3, Атырау облысы – 3, Ақмола облысы – 2, Батыс Қазақстан облысы – 2, Түркістан облысы – 1, Қарағанды облысы – 1, Алматы облысы – 1.

Осыдан кейін сырқатты көп жұқтырғандар арасында бірінші орынға Алматы қаласы шығып кетті.

Қазіргі сағатта еліміздегі эпидемилогиялық ахуал мынадай: Алматы қаласы – 271, Астана қаласы – 260, Қызылорда облысы – 119, Қарағанды облысы – 77, Ақмола облысы – 73, Атырау облысы – 62, Жамбыл облысы – 46, Түркістан облысы – 44, Шымкент қаласы – 38, Солтүстік Қазақстан облысы – 26, Алматы облысы – 22, Ақтөбе облысы – 11, Батыс Қазақстан облысы – 11, Маңғыстау облысы – 10, Павлодар облысы – 10, Шығыс Қазақстан облысы – 8, Қостанай облысы – 3.

Осы уақыт аралығында тағы 28 адамның сауығып шыққаны анықталды.

Сонымен, қазірге  дейін республика бойынша 138 адам жазылып шықты.

Олар мыналардың үлестеріне тиеді: Астана қаласы – 63, Алматы қаласынан – 50, Атырау облысынан – 5, Ақмола облысы – 4, Алматы облысы – 4, Жамбыл облысынан – 3, Шымкент қаласынан – 2, Солтүстік Қазақстан облысынан – 1, Ақтөбе облысынан – 1 Павлодар облысынан – 1, Қарағанды облысынан – 1, Батыс Қазақстан облысынан – 1, Қызылорда облысынан – 1, Маңғыстау облысынан – 1.

Бүгін тағы бір адам жанын тапсырды. Бұл жолы бақилық болған науқас Ақмола облысынан шықты.

Қайтыс болғандар саны – 12 (Ақмола облысы – 4, Алматы қаласы – 2, Астана қаласы – 1, Қарағанды облысы – 1, Түркістан облысы – 1, Шымкент қаласы – 1, Павлодар облысы – 1, Шығыс Қазақстан облысы – 1).