Өзбекстанда карантин ережесін бұзушылар сотталады

ТАШКЕНТ. 27 наурыз. Өзбекстан президенті Шавкат Мирзиёев кеше карантин ережесін бұзған адамды 10 жылға дейін соттауды ұсынатын заңды бекітті. Бұл туралы CentralAsia хабарлады.

Сол сияқты коронавирусты тарауы туралы жалған ақпар таратқан азаматтар да тиісті жазаларын алады. Олар үш жылға дейінгі мерзімге қамалады.

Бұлардың бәрі Өзбекстанның Қылмыстық, Қылмыстық-процессуалдық кодекстеріне енгізілген өзгерістер мен толықтырулар нәтижесінде қабылданып отыр.