Armani сән үйі медицина желеңдерін тігуге көшті

РИМ. 27 наурыз. Әлемге әйгілі Armani сән үйі өзінің барлық өндірісін уақытша өзгертіп, медициналық халаттар тігуге кірісіп кетті. Бұл туралы Repubblica газеті хабарлады.

Өзінің барлық қуатын медициналық желеңдер тігуге бейімдеген өндіріс орны бұл өнімдерін коронавируспен күресетін дәрігерге арнап, бір реттік киімдер тігеді.

Басылымның хабарлауынша, Джорджио Армани кәсіпорнын Италияның пандемиядан барынша көбірек зардап шеккен аймақтарындағы бірқатар ауруханаларға қажетті бұйымды шығаруға бейімделу үшін бірнеше миллион еуро жаратқан.

Еске сала кетейік, брендтің отаны саналатын Италия Қытай мен АҚШ сияқты коронавирустан қатты зардап шеккен ел болып табылады.