ӘлеуметЖаңалықтар жаңғырығы

Қазақстанда коронавирус жұқтырғандар 88-ге жетті

АСТАНА. 26 наурыз. Денсаулық сақтау министрлігі 26 наурыз күні таңертең Қазақстанда коронавирус жұқтырып алғандардың жалпы санының 88-ге жеткенін жеткізді. Бұл туралы «Азаттық» хабарлады.

Соңғы тәуілікте Астанада – бес адамның, Алматыда екі адамның коронавирус жұқтырып алғандары белгілі болған.

Осылайша коронавирус жұқтырғандар саны тағы 7 адамға көбейіп, жалпы саны 88 адам болды. Астанада – 46, Алматыда – 34, Қарағандыда – 2, Шымкентте – 2, Алматы облысында 1, Ақтөбе облысында – 1, Жамбыл облысында – 1, Солтүстік Қазақстан облысында 1 адам емделіп жатыр.

25 наурызда Үкімеи екі адамның дертінен айыққанын хабарлады.

Қазақстанда коронавирусқа байланысты 15 сәуірге дейін төтенше жағдай жарияланып отыр.

АҚШ-тағы Джон Хопкинс университетінің дерегінше, қазір әлемде 470 мыңнан астам адам вирус жұқтырған, соның ішінде 21 мыңнан астам адам қайтыс болған, 114 мыңнан астам адам дертінен айыққан.

Тағы көрсету

Пікір қалдыру

Ұқсас мақалалар

Back to top button