Қасым-Жомарт Тоқаев ертең халыққа үндеу жолдайды

АСТАНА. 15 наурыз. Президент Қасым-Жомарт Тоқаев 16 наурыз күні халыққа үндеу жариялайды. Бұл туралы zakon.kz хабарлады.

Мұны Мемлекет басшысының баспасөз хатшысы Берік Уәли Facebook-тегі парақшасында жазған.

Ол Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты Мемлекет басшысы азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы наурыздың 16-ы, сағат 08:00-ден 2020 жылғы 15 сәуір күнгі сағат 07:00-ге дейін төтенше жағдай енгізгенін еске салды.