«Ливерпуль» Чемпиондар лигасынан шығып қалды (видео)
ЛОНДОН. 12 наурыз. Кеше түнде ағылшынның «Ливерпуль» футбол командасы өз алаңында жеңіліп, жарыс жолынан шығып қалды. Бұл туралы rast.kz хабарлады.
Ливерпульдіктер Чемпиондар лигасының 1/8 финалының қарымта матчын өз алаңында Мадридтің «Атлетикосымен» өткізді. Матчтың тағдыры, сонымен бірге жарыс жолын жалғастыру түйіні овертаймда шешілді.
Екі команданың мұның алдында Мадридте өткен кездесуінде алаң иелері 1:0 етіп ұтқан еді. Ливерпульдегі қарымта кездесу де сондай есеппен бітті. Бұл жолы да алаң иелері басым түсті. Сөйтіп, екі матчтың қорытындысы 1:1 болды.
Lenta.ru хабарлағандай, ойын Ливерпульдің «Энфилд» стадионында ойналған. Кездесу қосымша уақытта 3:2 есебімен аяқталған.
Ағылшын клубы негізгі уақыттағы жалғыз голды 43-минутта салды. Оны Жоржиньо Вейналдум түсірді.
Овертаймда төрт доп соғылды. Бірінші болып 94-минутта ливерпульдік Роберто Фирмино мергендігімен танылды. Бұдан әрі «Атлтико» сапынан Фернандо Льоренте (97, 105) және Альваро Мората (120) көзге түсті.