Боксшылардың чемпионаттағы алғашқы қарсыластары анықталды
ЛОНДОН. 4 қыркүйек. Ұлыбританияда бүгін басталғалы тұрған бокстан әлем чемпионатында қазақ боксшыларының алғашқы қарсыластары кімдер екені белгілі болды. Бұл туралы 1bol.kz ақпарына сүйенген rast.kz хабарлайды.
Бокстан 4-14 қыркүйек аралығында Ливерпульде өтетін жаһандық доданың жеребесі тартылды.
Қазақстан құрамасы біріншілікке толық құрамда қатысады.
Енді World Boxing ұйымының аясында өтетін бірінші әлем чемпионаты – қазақ боксының қазіргі деңгейін айқындайтын басты сын болмақ.
50 кг. 25 боксшы
Санжар Тәшкенбай 1/8 финалда Хузайфа Ешиш (Иордания) – Луис Руни (Ирландия, 23 жасқа дейінгі Еуропа чемпионы) жұбының жеңімпазымен кездеседі.
55 кг. 39 боксшы
Махмұд Сабырхан 1/16 финалда Амир Мохаммади (Бельгия) – Ортиз (Мексика) арасындағы жекпе-жектің жеңгенімен жұдырықтасады.
60 кг. 43 боксшы
Бейбарыс Жексен 1/16 финалда Лей (Тайпей) – Жунмилардо Огайре (Филиппин) жұбының қай мықтысымен айқасады.
65 кг. 40 боксшы
1/16 финал: Ертуған Зейнуллинов – Хуго Грау (Франция).
Естеріңізге сала кетейік, Астанадағы Әлем кубогының үшінші кезеңінің ширек финалында Ертуған дәл осы қарсыласынан басым түскен еді.
70 кг. 41 боксшы
1/16 финал: Төрехан Сабырхан – Яче Юсуф Ислам (Алжир).
– 1/8 финалда ол Астанадағы Әлем кубогының финалисі Хитеш Хитешпен (Үндістан) жолығуы мүмкін.
75 кг. 24 боксшы
Сабыржан Аққалықов 1/8 финалда Павел Илюша (Украина, Азия чемпионатының жартылай финалисі) – Мохаммад Ноурани (Иран) жұбының жеңімпазымен айқасады.
80 кг. 36 боксшы
Нұрбек Оралбай 1/16 финалда Матвей Ражба (Украина) – Бен Носа Эхис (Германия) арасындағы кездесудің жеңгенімен жұдырықтасады.
Финалға дейінгі ықтимал қарсыластары: Тоқтарбек Таңатқан (Қытай), Жавохир Умматалиев (Өзбекстан), әлем чемпионы Робби Гонзалес (АҚШ) және Куба спортшысы.
85 кг. 24 боксшы
Бекзат Нұрдәулетов 1/8 финалда Георгий Кушиташвили (Грузия, 2023 жылғы әлем чемпионатының қола жүлдегері) – Лескур (Хорватия) жұбының жеңгенімен кездеседі.
90 кг. 25 боксшы
1/16 финал: Сағындық Тоғамбай – Айзек Око (Англия).
+90 кг. 30 боксшы
Айбек Оралбай 1/8 финалда Илияс (Түркия) – Исламов (Түрікменстан) арасындағы кездесудің жеңімпазымен айқасады.
