Тоқаев Жәкішевтің жағдайына орай өз ойын айтты
АСТАНА. 29 ақпан. Президент Қасым-Жомарт Тоқаев сотталушы Мұхтар Жәкішевтің бірнеше рет түрмеден шартты-мерзімінен босату жөнінде өтініш жазғанын білетінін айтты. Бұл туралы Neonomad.kz хабарлады.
«Қазатомпром» ұлттық компаниясының бұрынғы басшысы Мұхтар Жәкішев 2010 жылы жемқорлық айыбымен 14 жылға сотталған болатын. Ол содан бері бірнеше рет өзін түрмеден шартты-мерзімінен бұрын босату туралы өтініш жазған еді. Алайда, сот органдары соның бәрінде оның өтінішін орындаудан бас тартты.
Ел президенті осыған байланысты қалыптасып отырған ахуал туралы айтты.
Қасым-Жомарт Тоқаев бұқаралық ақпарат құралдары өкілдеріне берген сұхбатында әртүрлі өзекті мәселелер жөнінде сөз қозғады. Соның ішінде Мұхтар Жәкішевке қатысты да сұрақ болды.
Қазіргі таңда «Қазатомпром» ұлттық компаниясының бұрынғы басшысы түрмеде отыр.
Мемлекет басшысының айтуынша, ол сотталушы Мұхтар Жәкішевтің бірнеше рет түрмеден мерзімінен босату жөнінде өтініш жазғанын біледі. Мұны ол денсаулық жағдайына байланыстырып келтірді. Алайда, деп атап өтті президент, бұл мәселе тек соттың үкімімен шешілуі керек.
