Молдова Ресейдің 6 телеарнасының өз елінде көрсетілуін тоқтатты
КИШИНЕВ. 19 желтоқсан. Молдова билігі Ресейдің өз елінде көрсетіліп тұрған алты телеарнасының лицензияларының күшін жойды. Бұл туралы NewsMaker хабарлады.
«Украинада соғыс басталғалы бері Молдовада жұмыс істеп келе жатқан төтенше жағдайлар жөніндегі комиссия 16 желтоқсан күннің кешінде-ақ Ресейдің алты телеарнасының лицензиясын тоқтатты. Олардың арасында TV6, Orhei TV, Primul in Moldova, Accent TV, NTV Moldova және RTR Moldova бар», – делінген хабарламада.
Шешім «ұлттық ақпарат кеңістігін қорғау және жалған ақпар тарату тәуекелін ескерту мен қоғамдық пікірді ойнатуға әрекет жасаудың алдын кесу» мақсатында қабылданған.
Ресей журналистер одағының басшысы Владимир Соловьев Молдова билігінің бұл қадамын «елдегі орыс тілді тұрғындарға берілген қатты соққы» деп бағалады. Осындай ойды Ресей сыртқы істер министрлігінің өкілі Мария Захарова да білдірді.
