Зеленский жаудан тазартылған Изюм қаласына келді

КИЕВ. 14 қыркүйек. Бүгін Украина президенті Володимир Зеленский Ресей басқыншыларынан азат етілген Харьков облысының Изюм қаласына келді. Бұл туралы «Украинская правда» хабарлады.

Telegram-каналға Украина Қарулы күштері стратегиялық коммуникациясы басқармасы 25-ші жеке әуе-десант бригадасынан осындай мәлімет түсті.

Изюмге келген Зеленский қаланы жаудан тазартушы десант әскерінің жауынгерлерімен кездескен. Ол осы жерде сөйлеген сөзінде: «Бұрын біз жоғарыға қараған кезде әрдайым көк аспанды іздеуші едік. Қазір жоғары қарағанда, бір ғана нәрсені – Украина жалауын іздейміз. Біздің көк-сары түсті жалауымыз, міне, оккупациядан босатылған Изюмнің үстінде желбіреп тұр. Енді украинның әрбір қаласы мен селосында солай болады. Тек қана бір бағытқа – алға қарай жылжи береміз», – деді.

Сол жерде Украина жалауы көтерілген.

Президент бұл сапар үшін Қара запорожьеліктер атындағы «Украина немесе өлім» деп аталатын 72-ші бригаданың шевронын таңдаған.