USD
ЛОНДОН. 10 қаңтар. Британия үкіметі соғыс тоқтағаннан кейін Украинаға баратын әскери күштерді жаңа жабдықтармен жарақтандыру үшін 230 млн еуро көлемінде қаржы бөлетін болды. Бұл туралы DW ақпарына сүйенген rast.kz хабарлайды.
«Ұлыбритания атыс тоқтағаннан кейін Украинаға әскерлерді орналастыру мүмкіндігі үшін Британ Қарулы күштерін жаңа жабдықтармен жабдықтауға 230 миллион еуро бөледі», – делінген хабарламада.
Ұлыбритания Қорғаныс министрлігі атыс тоқтаған жағдайда көп ұлтты күштердің құрамында британ әскерлерін Украинаға орналастыруға дайындау үшін 200 миллион фунт стерлинг (шамамен 230 миллион еуро) шығарғалы отыр.
Қаражат Британ Қарулы күштерін жаңа жабдықтармен жабдықтауға, көліктерді, байланыс жүйелерін жаңғыртуға және дрондардан қорғауға жұмсалады.
Ресей Сыртқы істер министрлігінің өкілі Мария Захарова бұған дейін Украинаға шетелдік әскерлер мен әскери нысандарды орналастыруды Ресей Федерациясы өз қауіпсіздігіне тікелей қауіп ретінде қарастыратынын мәлімдеген болатын. Ол: «Мұндай бөлімшелер мен нысандар Ресей армиясы тарапынан заңды соғыс нысанасы болып саналады», – деп атап өтті.
6 қаңтарда Парижде Украинаның қауіпсіздік кепілдіктері туралы декларацияға, сондай-ақ соғыс аяқталғаннан кейін Украинаға француз және британ әскерлері мен әскери нысандарын орналастыру туралы үш жақты құжатқа қол қойылды. Қазір Франция мен Ұлыбритания Украинаға мыңдаған әскер жіберуді жоспарлап отыр.
Парижде өткен кездесуде Киев, Париж және Лондон ниеттестік туралы декларацияға қол қойды, ол Ұлыбритания премьер-министрі Кир Стармердің айтуынша, атыс тоқтағанна кейін Украинада британдық, франциялық және басқа да «серіктес» әскерлерді орналастыруға «құқықтық негіз жасайды».
Ұлыбритания премьер-министрі сонымен қатар Ұлыбритания мен Франция атысты тоқтату басталған кезде бүкіл Украина бойынша «әскери орталықтар» құратынын және «қару-жарақ пен әскери техниканы сақтауға арналған қауіпсіз нысандар салатынын» мәлімдеді.
The Times газетінің хабарлауынша, Ұлыбритания мен Франция Ресеймен бейбітшілік туралы келісімнен кейін қауіпсіздік кепілдігі ретінде Украинаға 15 000-ға дейін әскер жіберуді жоспарлап отыр, ал Германия Украина маңына күштерін орналастыруға дайын. The Times газеті күтілетін контингент саны «күтілгеннен айтарлықтай аз» екенін атап өтеді.
