Гроднода «қара тізімдегі» милиционердің машинасы жарылды
МИНСК. 20 қараша. Беларусьтің Гродно қаласында наразылық білдірушілерге айрықша қаталдығымен көзге түсіп, оппозицияның «қара тізіміне» кірген тәртіп сақшысының көлігі жарылды. Бұл туралы РИА «Новости» хабарлады.
«Бұрын жеке басының мәліметтері «радикалды Telegram-арналардың біріне кірген» милиционердің автомобилі жарылуына байланысты қылмыстық іс қозғалды», – деп жеткізді жұма күні республика тергеу комитетінің баспасөз қызметі.
«Тергеудің мәліметі бойынша, 20 қараша күні сағат 01:30 (жергілікті уақыт) маңайында милицияға Гродно аулалапының бірінде қатты жаңғырыққа ұқсайтын жарылыстың орын алғаны жайлы хабарлама келіп түсті. Оқиға орнына тергеу-жедел тобы барды. Белгісіз біреулердің 41 жастағы жергілікті тұрғынның Skoda көлігін бүліншілікке ұшыратқаны анықталды. Жарылыстың көлік құралының алдыңғы бөлігін қиратып кеткені белгілі болды», – делінген хабарламада.
Тергеу комитетіндегілер атап өткендей, көліктің егесі өзінің милицияда қызмет ететінін және өзі туралы мәліметтердің бұрын радикалды Telegram-арналардың біріне жазылғанын» айтқан.
