АҚШ ВОЗ-ды қаржыландыруды тоқтатты
ВАШИНГТОН. 15 сәуір. Құрама Штаттар Дүниежүзілік денсаулық сақтау ұйымына (ВОЗ) жарнапұл төлеп тұруды тоқтатты. Бұл туралы ТАСС хабарлады.
АҚШ президенті Дональд Трамп сейсенбі күні Ақ үйде берген брифингінже COVID-19-дың тарап кетуіне осы ұйымның кінәлі болып отырғанына байланысты енді оны қаржыландырып отыруды қоятынын мәлімдеді. Ол әлемде коронавируспен ауырушылардың 20 есе көбейіп кетуінде ВОЗ-дың кінәсі бар деп есептейді.
«Мен бүгін әкімшілікке бұл ұйымның коронавирустың тарап кетуіне ықпал еткен нашар жұмыстарының рөлі мен мәліметтерді жасырудағы әрекеттеріне баға берілгенше оған жарна төлеуді тоқтата тұруды тапсырдым, – деді ол. – Жұрттың бәрі не болып жатқанын біледі. Американың салық төлеушілері ВОЗ-дың бюджетіне жылына $400-500 миллион көлемінде ақша аударып келеді. Салыстыру үшін айтайын, Қытайдың төлейтіні – небәрі $40 миллион».
«АҚШ бұл ұйымның басты демеушісі ретінде ВОЗ-дан жауапкершілік талап етуге тиіс. Оның ең басты қауіпті шешімі АҚШ-тың Қытай мен басқа да елдер арасындағы әуе қатынасына тыйым салғанын сынға алуы болды, – деп мәлімдеді президент. – Бақытымызға орай, біз олардың ВТО-сының (Дүниежүзілік сауда ұйымы) ұсыныстарын қабыл алмай, ұшу сапарларын алып тастадық, соның арқасында әлденеше мыңдаған адамдардың өмірлерін сақтап қалдық… ВОЗ-дың ұсынысын қабыл алып, шекараларын ашып тастаған басқа елдердің, атап айтқанда, Еуропаның қазіргі жағдайына қараңыздар».
«Вашингтон ВОЗ-дың реформалануын қалайды және бұл мәселені басқа елдермен бірге талқылауға ниетті, ол Американың қаржысын қалай пайдалану керектігін білуі керек», – дегенді қосты Трамп.
