Писториус: Путин Украинадағы соғыстың аяқталғанын қаламайды
БЕРЛИН. 17 мамыр. Алман елінің қорғаныс министрі Кремль қожайының соғысты тоқтатқысы келіп отырмағанын айтты. Бұл туралы DW ақпарына сүйенген rast.kz хабарлайды.
Германия қорғаныс министрі Борис Писториус Украина дағдарысын шешу үшін Түркиядағы келіссөздерден кейін Ресей президенті Владимир Путинді Украинадағы соғысты тоқтатуға мүдделі емес деп айыптады.
Путин алдында атысты тоқтату туралы келіссөздер жүргізуге ниетті екенін мәлімдегенімен, кейін аяқ астынан бас тартып, өзінің орнына үшінші дәрежелі делегация жібереді. Министр 16 мамыр күні Римде Италия, Франция, Ұлыбритания және Польшадан келген әріптестерімен кездесуден кейін осылай деді.
Борис Писториус өз сөзінде Владимир Путиннің Украина президенті Володимир Зеленськиймен келіссөзден неге бас тартып отырғанын атап өтті. Оның айтуынша, Кремльдің қожайыны қазір бұл агрессивті соғысты тоқтатуға «мүлдем мүдделі емес» екенін көрсетіп отыр. Писториус «бейбіт шешімге қол жеткізуге деген байыпты ұмтылыстың» белгісі жоқ екенін алға тартты.
Осының аясында Германияның қорғаныс министрі: «Еуропа мен оның одақтастары Украинаны сенімді әрі дәйекті түрде қолдауды жалғастыруда», – деп тағы да баса айтты. Ол «Украинаға ауқымды көмек көрсетуді» жалғастыруға уәде берді.
Писториус Киевке одан әрі әскери қолдау көрсетілетінін айтумен бірге, Италия, Франция, Ұлыбритания және Польшадан келген әріптестерімен Украинадағы ықтимал атысты тоқтатуды «бақылау және бақылауды» талқылағанын сөз етті. Талқылау, атап айтқанда, «жауапкершілікті кім және қандай форматта ала алады» турасында болды», – деді ол.
