Трамптың жарлығынан соң «Америка дауысы» радиосы жұмысын тоқтатты
УАШИНГТОН. 16 наурыз. АҚШ президентінің кеше арнайы жарлығы шыққаннан кейін «Америка дауысы» радиосы бүгін әлемге хабар тарату қызметін доғарды. Бұл туралы DW ақпарына сүйенген rast.kz хабарлайды.
Дональд Трамп жаһандық медиа агенттігіндегі (USAGM) жұмыс орындарын барынша қысқарту жайлы бұйрыққа қол қойғаннан кейін «Америка дауысы» радиосының 1300-ден астам қызметкері белгісіз мерзімге дейін ақысыз демалысқа жіберілді.
«Аты аңызға айналған «Америка дауысы» 83 жыл ішінде бірінші рет үнсіз қалды», – деді агенттік директоры Майкл Абрамовиц жексенбі, 16 наурызға қараған түні Facebook парақшасында. Аталмыш ақпарат құралы бүгін хабар таратуын тоқтатқан. Онымен бірге «Америка дауысы» (VOA) радиосының 1300-ден астам қызметкері – «журналистер, продюсерлер және көмекші қызметкерлер» мерзімсіз ақысыз демалысқа шығарылды. Бұл АҚШ президенті Дональд Трамп Американың бес ірі медиа корпорациясының жұмысын қадағалайтын Жаһандық медиа агенттігінің қызметкерлерін қысқарту туралы бұйрыққа қол қойғаннан кейін болды.
Абрамовиц «Америка дауысы» басшылығының медиа-компанияны реформалауда ілгерілеушілікке қол жеткізгенін, бірақ АҚШ-тың жаңа әкімшілігінің әрекеттері «Американың Иран, Қытай және Ресей сияқты қарсыластары Америка Құрама Штаттарының беделін түсіру үшін жалған әңгімелер жасау үшін миллиардтаған доллар жұмсап жатқанда» оның «өмірлік миссиясын орындай алмайтынын» білдірді.
АҚШ президенті қызметіне кіріскеннен кейін Трамп SpaceX негізін қалаушы және X әлеуметтік желісінің иесі Илон Маск басқарған үкімет тиімділігі департаментін (DOGE) құрды. Осы орган жұмыс істеген екі айдан аз уақыт ішінде жүргізіліп жатқан «реформа» аясында әртүрлі федералды ведомстволардың ондаған мың қызметкерлері жұмыстан босатылды. Басқа нәрселермен қатар, Маск «Америка дауысы» мен «Азаттық радиосын» жоюды ұсынды, өйткені олар «енді оларды ешкім тыңдамайды» және олар «американдық салық төлеушілердің қалтасынан жылына миллиард долларды күйдіреді».
Ақ үй әкімшілігі VOA («Америка дауысы») радиосының жұмысына қарсы бірқатар талаптар қойды, соның ішінде медиакомпанияны журналистік стандарттарды бұзды және жауапкершіліктен жалтарды деп айыптады. Трамптың командасы 2020 жылдың қазан айында «Америка дауысының» бұрынғы АҚШ президентінің ұлы Хантер Байденнің ноутбугіне қатысты жанжалдың «ізі Ресейде болуы ықтимал» екенін хабарлағанын да еске салды. Трамп әкімшілігі мұны «шындықты жасыру» әрекеті деп бағалады. Бұдан бөлек, VOA тілшілері әлеуметтік желідегі аккаунттарында Трамптың жеке басына тиіскен пікірлер жариялады, өз кезегінде бұл АҚШ-тың жаңа билігі тарапынан қатаң сынына ұшырады.
АҚШ президенті Дональд Трамптың әкімшілігі АҚШ-тан тысқары аудиторияға хабар таратып келген жүздеген америкалық БАҚ қызметкерлерін ақысыз демалысқа шығарды. «Бұл ең алдымен «Америка дауысы» және «Азаттық радиосы» сияқты ақпарат құралдарының қызметкерлеріне әсер етті», деп хабарлады Франс Пресс агенттігі 15 наурыз күні кешке.
Бұған Трамп қол қойған АҚШ үкіметі жанындағы жеті тәуелсіз федералды агенттіктерде ауқымды қысқартулар жүргізу жайлы жарлығы себеп болды.
Трамп жарлығының мақсатына айналған басқа салалар арасында үйсіздердің қауіпсіздігі мәселелері жөніндегі кеңес (USICH), аз сандылар бизнесін дамыту жөніндегі агенттік (MBDA), елдің музейлері мен кітапханаларын федералды қаржыландырудың басты көзі болып отырған музей және кітапханалар қызметі институты (IMLS) бар.
Миллиардер Илон Масктің ықпалынан шыға алмаған Дилон (Дональд) Трамп бұл тарапта әлі талай нәрсені бүлдіретін түрі бар.
