Трамп Тоқаевқа құттықтау жолдады

ВАШИНГТОН. 26 наурыз. АҚШ Президенті Дональд Трамп Қазақстан Президенті Қасым-Жомарт Тоқаевқа хат жолдап, Наурыз мерекесімен құттықтады. Бұл туралы Neonomad.kz хабарлады.

«Сізге, сіздің отбасыңызға және қазақстандықтарға бақытты Наурыз тілеймін. Құрама Штаттарда, Қазақстанда және бүкіл әлемде Наурыз – барлық адамдардың басын қосатын бірліктің, мейірімділіктің және жаңараудың мерекесі», – делінген хатта.

Америка Президенті сондай-ақ Қазақстан мен АҚШ-тың үлкен экономикалық жетістікке жеткенін атап өткен.