Мұхтар Әбіләзовтің сыбайласы елге жеткізілді
АСТАНА. 5 наурыз. Кеше «БТА-банктің» бұрынғы басқарушы директоры Рустам Ибрагимов Біріккен Араб Әмірлігінен елге жеткізілді. Бұл туралы Бас прокуратура баспасөз қызметіне сілтеме жасаған rast.kz хабарлады.
Экстрадация Бас прокуратура мен Сыбайлас жемқорлыққа қарсы іс-қимыл агенттігі қызметкерлерінің білесе атқарған жұмыстары нәтижесінде жасалды.
Кезінде Рустам Ибрагимовқа «БТА-Банктің» 250 млн АҚШ доллары қаражатын Мұхтар Әбіләзовтің ұйымдасқан қылмыстық тобы мүшелерімен бірлесіп жасаған ұрлығы үшін іздеу жарияланған.
Қылмыстық жауапкершіліктен жалтару мақсатында ол БАӘ-де Қырғызстан азаматының жалған төлқұжатын пайдаланып жасырынып жүрген екен.
Алайда, қазақстандық құқық қорғау органдарының араб және қырғыз әріптестерімен бірлесе атқарған жұмысының нәтижесінде, сондай-ақ БАӘ-дегі Қазақстан елшілігінің көмегімен жоғарыда аталған төлқұжат заңсыз деп танылып, қылмыскер ұсталды. Осылдан кейін ол Қазақстан Республикасына жөнелтілді.Қазіргі таңда Рустам Ибрагимов Алматыдағы тергеу оқшаулағышын қамалды
