Қазақстан армяндары Кеосянға: Біз сенің шашыңды күзейміз!

КӨКШЕТАУ. 30 сәуір. Ақмола облысындағы армян диаспорасы Тигран Кеосаянның кесапат сөзі туралы айтты. Олар Кеосаянның Қазақстан халқынан кешірім сұрауын қатаң талап етті. Бұл туралы «Орда.kz» хабарлады.

«Кеосаянға Ақмола облысының армяндарының атынан айтқымыз келеді, ол Арменияда туды ма, жоқ па, ол бұрыннан Ресей азаматы болды ма, оны ешкім білмейді. Өйткені, бұл бізді қызықтырмайды. Ол біз үшін қызық емес. Қымбатты қазақстандықтар, жерлестер, айтарым, Қазақстан туралы айтқан бұл адам шеруге қатысты бізді, әсіресе армяндарды қатты қорлады», – дейді видеода «Бари» мәдени орталығының орынбасары Арман Манукян.

«Бари» армян диаспорасының төрағасы Норик Магламян да Қазақстан ұлтқа бөлінбеген көпұлтты мемлекет, ал қазақстандықтар ұлы халық деп санайды.

«Қазақстанға келгенімде Балқаш маңында тұрдым, қазақтың қандай халық екенін көрдім. Бізде ұлт болған жоқ, біз адам едік, бәріміз де күрестік, жаттықтық, футзалға бардық, жаттығып, жүгірдік, оқыдық, тіпті жақсы тәрбие алдық, бүгінгі күні де біз Қазақстанды мақтан тұтамыз. Біз балаларымыздың болашағын тек Қазақстанмен байланыстырғымыз келеді», – деді Манукян.

Ол Кеосаянның мәлімдемесінен кейін диаспораның шын ашуланып, қазақ армяндарын Кеосаянмен шатастырмауды сұрайтынын түсіндірді.

«Бір тентекке әркім жауапты емес, қарттарымыз айтқандай, қисық бұтақсыз орман болмайды. Сондықтан мен оның Қазақстанға келіп, олардың мұнда қалай өмір сүріп жатқанын көргенін қалаймын. Олардың бір-біріне қалай көмектесетіні, қалай алаңдайтыны, бір-біріне қалай қарайтыны, рухани сауықтыратынын және мерекелердің  қалай тойланатынын көрсін. Сен кешірім сұра. Міндетті түрде халықтан кешірім сұра. Егер сен кешірім сұрамасаң, біз сен үшін кешірім сұраймыз. Сенің кешірім сұрауға да батылың  жетпейді. Қазақ халқына тиіспе! Тағы да қайталап  айтамын. Қазақтардың білімі жеткілікті, олар тіпті сенің  бетіңе түкірмейді, бірақ армяндар міндетті түрде шашыңды күзейді, Кеосаян», – деді армян диаспорасының өкілі.

Олар бір ғана Ақмола облысында екі мыңнан астам армян тұратынын, барлығы жақсы өмір сүріп жатқанын және ешқайда кетпейтінін түсіндірді.

Кеосаянның мәлімдемесінен кейін Қазақстан Сыртқы істер министрлігінің ресми өкілі Айбек Смадияров Тигран Кеосаянның Қазақстанды қорқытқан видеосына қатысты пікір білдірді. Оның атап өтуінше, аталған  режиссердің Қазақстанға келуіне тыйым салынатын адамдар тізіміне енуі әбден мүмкін.

Еске сала кетейік, Тигран Кеосаян бұдан бірнеше күн бұрын қазақстандықтарға видеоүндеу жариялап, биыл Жеңіс күні шеру өткізбетін болып отырған мемлекеттің атына біраз қоқан-лоқы жасаған, ол мұны Ресей армиясының Украинадан кейін Қазақстанға басып кіретінін айтып қорқытуға ұластырған. Оның пікірінше, Қазақстан текетірестің бір жағын ғана таңдауы тиіс.

Тигран Кеосаянның Sputnik ақпарат агенттігі «Россия сегодня» халықаралық ақпараттық агенттігінің бас редакторы Маргарита Симонянның күйеуі екенін еске саламыз.