«Боруссия» стадионына 12 000 картон фанат қойылды

МЮНХЕН. 23 мамыр. Менхенгладбахтағы «Боруссия Парк» стадионына картоннан жасалған 12 000 фанат бейнелері қойылды. Бұл туралы «Матч.ТВ» хабарлады.

Express.de сайтына сілтеме жасаған телеарна арена егелерінің мұны 23 мамыр күні 27-турдың ойынында жергілікті «Боруссияның» «Байермен» кездесуі үшін арнайы қойылғанын баяндайды. Себебі, аренада бірде-бір жанкүйер болмайды.

Картон фигураларды стадион секцияларына орналастыру «Не болғанына қарамастан. Сонда бол!» атты акцияның аясында жүріп жатқан көрінеді.

Акция команда жанкүйерлерінің қатысуларымен жасалған. Олар стадиондағы картоннан жасалған әрбір бейне-мүсін үшін 19 еуро ақша жұмсаған. Жиналған ақшаның кемінде 4 еуросы қайырымдылық шараларына жаратылады.

Хабарланғанындай, акцияны ұйымдастырушылар 1000-2000 ғана тапсырыс болатын шығар деген ойда болыпты. Алайда, бірден 20 000 фанаттан тапсырыс түскен.

«Боруссия» – «Байер» арасындағы матч бүгін Астана уақытымен 19:30 сағатта басталады.