Путин Әзербайжанға қарсы «мәуе соғысын» мезірет етті
МӘСКЕУ. 12 шілде. Кремль Әзербайжанмен арада соңғы айларда орын алып жатқан текетірестің ықпалында бұл елге «жеміс соғысын» жариялады. Бұл туралы The Moscow News ақпарына сүйенген rast.kz хабарлайды.
Орал таулары аумағындағы әзербайжан диаспорасы өкілдері ұсталып, соңы кісі өліміне апарып соқтырған жанжалдан кейін Бакымен қарым-қатынасы тез нашарлап кетуі тұрқында Ресей билігі Әзербайжаннан келетін жеміс-көкөніс өнімдерін тексеру қысымын анағұрлым күшейте түсті. Сарапшылар мұны Мәскеудің әзербайжан мәуе жеткізушілеріне қарсы жариялаған «соғысы» деп бағалап отыр.
Бейсенбі күні Краснодарда «Роспотребнадзор» қызметкерлері Ресейге келген 18 тонна әзербайжан шабдалысы мен нектарин жемісінің саудаға шығарылуына тосқауыл қойды. Ведомствоның мәлімдемесіне сілтеме жасаған «ТВ-Краснодар» тілшісінің хабарлауынша, жеміс-жидек партиясынан «карантиндік нысандар» – батыс гүлінің трипсі табылған.
«Әзербайжан жемістерінің бұрын үзіліссіз өтіп тұрған жағдайына биылғы маусым айында кенеттен тосқауыл қойылып, тың проблемалар туа бастады», – деді Minval.az тілшісіне берген жауабында Әзербайжан жеміс-көкөніс өндірушілері мен экспорттаушылар қауымдастығының төрағасы Башир Гулиев.
«Әуелгіде шағымдар помидорға қатысты шықты: олардан оңтүстік америкалық томат күйесі мен шығыс жеміс көбелегі секілді зиянкестер табылыпты-мыс. Томат маусымы аяқталғаннан кейін «Россельхознадзор» Ресейге жеткізілетін жемістерге қатысты осындай талаптарды шығаруға көшті», – деді Гулиев. Мұнымен бір мезгілде тек тауарлардың сапасына ғана емес, сонымен қатар паллеттердің қаптамасы мен сапасыз таңбалануына да қатысты да талап қойылды.
«Азық-түлік қауіпсіздігі агенттігіне жіберілген «»Россельхознадзор»» хабарламаларының кенеттен көбеюі Әзербайжаннан импортты шектеуге жасанды негіздеме жасау әрекеті сияқты», деп шағымданады Гулиев. Әзербайжаннан келетін сүт өнімдеріне де шектеу қойылды: Агенттіктің хабарлауынша, «Россельхознадзор» тексеруден өтуден бас тартқан екі әзербайжандық кәсіпорынға тыйым салған.
Соғыс басталғалы бері Ресейге параллель импортталатын негізгі транзиттік орталыққа айналған Әзербайжанмен қарым-қатынасқа жыл басында Ресей әуе қорғанысы күштерінің Грозный маңында Әзербайжан әуе жолдарының ұшағын атып түсірген кезде бұзылған болатын. Владимир Путин ұшақ апатына және борттағы 38 адамның қазасына әкелген оқиға үшін көпшілік алдында кешірім сұраудан бас тартты.
Жағдай маусым айының соңында әзербайжан диаспорасының өкілдері Екатеринбургте рейд кезінде кісі өлтірді деген айыппен ұсталып, олардан қамауға алынған ағайынды Зияддин мен Гусейн Сафаровтар қайтыс болғаннан кейін ушығып кетті. Бакы олардың өліміне ауыр соққылар себеп болғанын айтады, Әзербайжан деректері бойынша, сараптама оны растаған. Бұған жауап ретінде Әзербайжан билігі Бакыдегі ресейлік «Спутник» насихат агенттігін жауып, оның екі басшысына тыңшылық жасады деген айып тақты. Бұдан бөлек, Әзербайжанда қоныс аударған 8 ресейлік ұсталып, оларға есірткі контрабандасы мен киберқылмыс үшін айып тағылды.
