Зеленський: АҚШ Украинаға қару-жарақ жеткізуді қайта бастады
КИЕВ. 12 шілде. Мемлекет басшысы Володимир Зеленський Уашингтон Украинаға қару-жарақ жеткізуді қайтадан қолға алғанын айтты. Бұл туралы DW ақпарына сүйенген rast.kz хабарлайды.
«Өте жоғары деңгейдегі саяси сигналдар, соның ішінде Құрама Штаттардан, біздің еуропалық достарымыздан жақсы сигналдар бар. Барлық баянаттарда [әскерилерден] жеткізілім қолға алынғаны айтылып жатыр», – деді украин президенті өзінің видеоүнеуінде.
Зеленський билік келесі аптада «америкалықтар тарапымен әскери деңгейде жұмыс істеуді» жалғастыратынын атап өтті, нақтылап айтқанда, украиналық әскерилер АҚШ президентінің Украинадағы арнайы өкілі Кит Келлогпен кездеседі, ол бұрын Киевке 14 шілдеде келіп, елде бір апта болатынын мәлімдеген. «Біз сондай-ақ жаңа Еуропа тарапының жаңа қорғаныс пакеттерін дайындап жатырмыз», – деді президент.
Зеленськийдің айтуынша, Киев Украинада қару-жарақ өндіруді жетілдіру және ұлғайту бағытында серіктестермен өзара бірлесе әрекет етуді жалғастырып келеді. «Жақсы ұйғарымдар бар және алдағы тағы сондай біраз келісімді күтіп отырмыз, біз өзіміздің нақты күшіміз көп екенін, қорғанысымыз күшті екенін, әуе шабуылын тойтара алатынымызды сезіну үшін алдағы апталарда жұмыс істейтін боламыз», – деді ол.
Мұның алдында Кремльге қатысты риторикасын қатайтқан Дональд Трамп келесі дүйсенбіде «Ресейге байланысты маңызды мәлімдеме» жасауға уәде берген еді. Reuters ақпарат мәнбесінің хабарлауынша, Ақ үй басшысы өзінің президенттік өкілеттіктерін пайдалана отырып, қаңтарда өткен инаугурациясынан бері алғаш рет Украинаға 300 миллион доллар көлемінде әскери көмек бөлмекші. Оның құрамына «Патриот» әуе шабуылына қарсы қорғаныс жүйесіне арналған зымырандар, сондай-ақ орташа қашықтықтағы зымырандар кіреді деп күтілуде. Бұған дейін Киевке қару-жарақ бұрынғы президент Джо Байден бекіткен бағдарлама бойынша жеткізілетін.
