Зеленьский: Украина қауіпсіздігін қорғамайтын келісімнің керегі жоқ
КИЕВ. 27 ақпан. Украин лидері Володимир Зеленьский Украинаның қауіпсіздігіне кепілдік бермесе, АҚШ-пен келісімге қол қоймайтынын айтты. Бұл туралы УНИАН ақпарына сүйенген rast.kz хабарлайды.
Ертең, 28 ақпан күні Уашинтонда Украина президенті АҚШ президенті Дональд Трамппен кездесіп, келіссөз жүргізеді.
Мұхиттың арғы бетіне қарай жол тартар алдында украин президенті осындай мәлімдеме жасады.
«Президент Володимир Зеленский Америка Құрама Штаттарымен Украина үшін кеңірек қауіпсіздік кепілдіктерін қамтымайтын қазба байлықтар жөніндегі шектік келісімге сәйкес жасалатын экономикалық келісімге қол қоюды жоспарлап отырған жоқ», – делінген ақпарат агенттігінің Украина үкіметіндегі мәнбеге сілтеме жасап жариялаған хабарламасында.
Басылымның хабарлауынша, бастапқы шектік құжатты парламент ратификациялауды қажет етпесе, екінші рет тағы ұсынылады.
Қазір келісімнің көп бөлігі әлі түсініксіз. Атап айтқанда, америкалық тарап жаңа қорды нақты қалай бақылайтыны және оның басқару тетіктері қандай болатыны белгісіз. Бір тармақта АҚШ өз заңдары бойынша рұқсат етілген «ең жоғарғы соманы» бақылайтынын айтады. Сонымен қатар, бұл инвестициялардың пропорционалдылығын көрсететін басқа тармаққа қайшы келуі мүмкін.
Бұған қоса, The Economist келісімнің Трамп Украинадан талап еткен 500 миллиард доллар «өтемақысынан» әлдеқайда аз болатынын атап өтті. Бұл сома айтарлықтай асыра көрсетілген, өйткені АҚШ-тың Украинаға әскери және қаржылық көмегі тәуелсіз бағалаулар бойынша 120 миллиард доллардан асады.
