USD
ТЕГЕРАН. 7 сәуір. Иран АҚШ-тың уақытша бітімгершілік жасасу жөніндегі ұсынысын қабылдамады және ұрыс қимылдарын толық тоқтатуды талап етті. Бұл туралы The Moscow Times ақпарына сүйенген rast.kz хабарлайды.
IRNA агенттігі хабарлағандай, Тегеран АҚШ-қа Пәкістан арқылы жауап жіберді, онда Иран тарапының өз ұстанымы мен соғысты аяқтауға қатысты шарттары тізімін берді.
Америкалық шенеунікке сілтеме жасаған Axios мәліметі бойынша, Иран жағының жауабы «максималистік» болып шыққан және оның дипломатиялық келісімге келуге мүмкіндік беретіні белгісіз болып қалады.
IRNA ақпаратына сәйкес, 10 тармақтан тұратын құжатта Иран негізгі шарттар арасында Ормуз бұғазы арқылы кемелердің қауіпсіз өтуі туралы хаттаманы келісуді, санкциялардың күшін жоюды, сондай-ақ АҚШ-тың страны қимылдары аяқталғаннан кейін елді қалпына келтіруге қатысуын талап етеді. Бұған дейін Иран билігі АҚШ-пен келіссөздердің бұрынғы тәжірибесіне сілтеме жасай отырып, қысқа мерзімді бітімге қызығушылық танытпайтынын мәлімдеген болатын.
Бұған дейін Axios дереккөздерге сілтеме жасай отырып, Уашингтон мен Тегеранның Пәкістан, Мысыр және Түркия дәулеттерінің делдалдығымен соғыстың аяқталуының бірінші кезеңі ретінде 45 күндік атысты тоқтату мүмкіндігін талқылап жатқанын жазды. Басылымның сұхбаттасушылары сонымен бірге алдағы 48 сағатта келісімге келу ықтималдығы төмен болып қала беретінін атап өтті, дегенмен бұл кезең одан әрі өршіп кетпеу үшін йсоңғы әрекет» ретінде қарастырылды.
Axios мәліметтері бойынша, АҚШ әкімшілігі келіссөздер сәтсіз болған жағдайда Иранның энергетикалық инфрақұрылымына жаппай соққы беру жоспарын дайындаған. АҚШ президенті Дональд Трамп ультиматумның мерзімі 7 сәуірге қараған түні аяқталатынын айтып, оны «соңғы мерзім» деп атады. Ол бұған дейін Тегераннан Ормуз бұғазын ашып, келісім жасасуды талап етіп, әйтпесе Иранға «тозақ орнатамын» деп қорқытты.
Axios атап өткендей, келіссөздер, соның ішінде АҚШ президентінің арнайы өкілі Стив Уиткофф пен Иранның Сыртқы істер министрі Аббас Арагчи арасындағы хат алмасу арқылы жүргізілуде. Соңғы күндері Уашингтон Тегеранға бірнеше ұсыныс берді, бірақ олардың ешқайсысы қабылданған жоқ. Иран алған бетінен қайтпай отыр.
