АҚШ ұсынған келісімнің жаңа жобасы бұрынғысынан қатаңырақ
КИЕВ. 22 ақпан. Украинада АҚШ әкімшілігі ұсынып отырған қазба байлықтар жөніндегі келісімнің жаңа нұсқасы бұрынғыдан да қатқылдау екені айтылып жатыр. Бұл туралы УНИАН ақпарына сүйенген rast.kz хабарлайды.
Ендігі келісім тек қазба байлықтарды ғана емес, сонымен қатар газ бен мұнайды да қамтитыны атап өтілді.
Украинаның минералдық ресурстарына қатысты келісімнің жаңа нұсқасы мүның алдында Киев қабылдамаған нұсқадан қатаңырақ. Соған қарамастан, АҚШ президенті Дональд Трамптың командасы жаңа келісімді қатты тықпалап отыр. Мұны келісімнің жаңа нұсқасымен жұмыс істеп жатқан бес адамға сілтеме жасаған «Новини України» атап көрсетті.
Белгілі болғанындай, украин тарапы келісімнің көрсетілген нұсқасын жұма, 21 ақпанда алған. Келісім тек қазба байлықтарды ғана емес, газ бен мұнайды да қамтиды. Келісімге порттардан түсетін болашақ кірістер кірмейді.
Атап көрсетілгендей, АҚШ ресурстарды басқару үшін қор құруды және оның меншігі 100% өзіне берілуін, бұдан ары тараптардың жарнапұл бөлуін екіге бірден ете отырып, болашақта украин тарапының табысынының үштен екі, ал мұны қару-жарақ түрінде беріп қойған Америка тарапының үштен бір бөлігін құйып тұруын ұсынады. «Америка тарапы қор көлемін $500 млрд болсын деген ұсыныс білдіреді» деп жазады мәтбұғат.
«Америка тарапы келісімді таза коммерциялық деп санайды және қауіпсіздік кепілдіктерін талқылау бұл келісімнің тысқары болуы керек деп есептейді. Сондай-ақ, келісім бойынша АҚШ ешқандай инвестициялық міндеттеме алмайды. Ал Украина тарапы қордың көлемін қайта қарауды және қордың ақшасын тек Украинаға инвестициялау үшін пайдалану қажеттілігін белгілеуді ұсынады», деп жазады басылым.
Келісім бойынша жұмысқа тартылған мәнбелердің пайымдауынша, Киев АҚШ-пен бейбіт реттеу жөніндегі әріптестіктің қазір жабылып тұрған құлпы қайта ашылуы үшін жақын арада оған қол қоюға мәжбүр болады.
Еске сала кетейік, мұның алдында Sky News келіссөздерден хабардар мәнбелерге сілтеме жасай отырып, Украина президенті Володимир Зеленьскийдің бұл келісімге қол қоюға келісуге дайын емес екенін айтқанын, себебі Украинаның АҚШ ұсынған жобада «бірқатар проблемалық мәселелерді» көріп отырғанын жазған болатын.
Хабарламаға сілтеме жасаған Американың CNN телеарнасы минералдар мен басқа да табиғи ресурстар туралы келісім жобасында АҚШ-тың Украинадан оның қорғанысына жұмсалған шығыннан әлдеқайда көп талап етіп отырғанын атап өтті.
