Әскерге шақырылғандар әйелдері Путинге «тозақтың отында жануды» тіледі
МӘСКЕУ. 28 желтоқсан. Бұған дейін президент Владимир Путинді майданға аттанып, қаза табуға шақырған әскерге жұмылдырылған жауынгерлер әйелдері жаңа үндеу жариялады. Бұл туралы The Moscow News дерегіне сенген rast.kz хабарлайды.
РФ мемлекет басшысына арналған үндеу «Путь домой» телеграм-арнасы арқылы тарады.
«Бүгін біздің қатарымыздағы Марияның күйеуі соғыста қаза тапты. <…>. Владимир Владимирович пен мыңдаған тағдырдың қирауына кінәлілер Жаңа жылда біздің жігіттердің шыныаяқтың шегіне дейін толған қанына шашалып қалмас деген үміттеміз. Тозақтың отында жаныңдар», – деп мәлімдеді резервшілердің жұбайлары.
Түсіндірмелер петербургтік Мария Ишкованың бейнеүндеуі орналасқан парақша аясында жарияланған. Ол өз сөзінде күйеуінің 2022 жылы күзде әскерге алынғанын, ал биылғы тамызда бөлімшесі Украина Қарулы күштерінің қарсы шабуылдарын қайтару үшін «десантшы әскерлер ретінде, штурмовиктер ретінде» Запорожье бағытына тасталғанын, бірақ желтоқсан айында ол оққа ұшқанын баяндайды.
«Менің сүйікті ерлері үшін күресіп жүрген барлық әйелдерге айтарым: <…> бізде уақыт өте аз, сондықтан әрбір күн шешуші болып кетуі мүмкін. Шамасы, тура солай болатын шығар. Ендеше, олар үшін қазір күресіңдер, тап бүгін мүмкін болғанның бәрін жасаңдар. Мен мұнда бір ғана жол бар деп есептеймін – ол ерлердің өз еріктерімен әскери бөлімдерді тастап кетулері. Егер күйеулерің соғыстан аман келер болса, онымен бірге алды-арттарыңа қарамай елден қашыңдар», – дейді видео авторы.
Мобилизацияланған жауынгерлердің әйелдері қазір «әр минуттың қымбат екенін» еске ала отырып, Марияның айтқандарымен толық келіседі. «Кейін тым кеш болып қалмауы үшін бізге қазір бар болғаны өз сүйіктілеріміз үшін күресу қажет», – дейді олар.
