Ресейде кедейліктің деңгейі бұрын-соңды болмаған дәрежеге түсті
МӘСКЕУ. 11 наурыз. Росстат Ресейде кедейліктің деңгейі бұрын-соңды болмаған күйге жеткенін мәлімдеді. Бұл туралы The Moscow News дерегіне сілтеме жасаған rast.kz хабарлайды.
«2022 жылдың қорытындысы бойынша Ресейде кедейліктің деңгейі елдің қазіргі заманғы тарихында бұрын болмаған минимумға дейін түсті», – деп атап өтті Росстат жұма күні.
Статистика мәліметтеріне сәйкес, 1 қаңтарда 15,3 миллион ресейлік азамат үкімет жұмысқа қабілетті тұрғандар үшін белгілеп берген 14 674 рубль, зейнеткерлер үшін 11 176 рубль және балалар үшін 13 319 рубль деңгейлеріндегі «кедейлік шегінен» де төмен табыс тауып тұрған. Росстат мәліметіне сай, кедейлер саны 700 мың адамға азайған. Ал олардың тұрғындар арасындағы үлестері 11%-дан 10,5%-ға дейін төмен түскен.
Мұның бәрі, тұтастай алғанда, ресейліктердің кедейлене түскендеріне қарамастан, болып отыр, бірақ өмірдегі нақты жағдай 2022 жылы болжамды табыстың 1% деңгейінде екенін және мұның бұдан 11 жыл бұрынғы төмен деңгейге жақын екенін көрсетеді.
Росстат дайындаған мәліметтерде адам таңғалатын қарама-қайшылықтар өте көп, мәселен, жұрт жаппай кедейленуге ұшырап жатыр, алайда, өте кедей адамдар саны керісінше азайып келеді.
Bloomberg Economics сарапшылары мұның жыл ішінде мемлекеттің мобилизацияланған азаматтар үшін жаратқан 1,1 триллион рубль көмегінің арқасында осылай көтеріліп тұрғанын айтып түсіндіреді. Олардың бағамынша, Украинада соғысқан солдаттарға бір реттен төленген өтемақы әр азаматтың жылдық орташа табысынан едәуір асып түседі.
Өткен жылғы желтоқсанның соңында Владимир Путин майданда қаза тапқандардың отбасыларына 5 млн рубльден, жарақат алып қайтқандарға 3 млн рубльден төлеу жөнінде бұйрық шығарды. Нәтижесінде халықтың тапқан табысы көлемі көтерілген сияқты болып көрініп тұр.
«Жұрттың көбі қазір кедейліктен шығар жолдың жоқтығынан, мұқтаждықтан соғысқа барады, – деді МГУ-дың экономика бойынша маманы Наталья Зубаревич. – Бұл олардың қиындықтан азат етілулерінің бір амалы».
Осы кезде Ресейде бюджет қызметкерлеріне айлық жалақыларын уақтылы төлеудің үлкен проблемаға айнала бастағаны белгілі болып отыр. Қазір бұл сома 6 триллион рубльден асып кеткен.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
