Украина әскерлері жау штабын талқандап, бригада командирі жоқ қылды

КИЕВ. 28 желтоқсан. Украина Қарулы күштері кеше оккупанттардың штабын тас-талқан етіп, бригада командирімен бірге бірнеше офицерді жер жастандырды. Бұл туралы УНИАН хабарлады.

Бас штабтың мәліметінше, кемінде ресейлік 12 командир-офицердің көзі жойылған.

«Сейсенбі, 27 желтоқсан күні украин әскерлері ресейлік оккупанттар штабына «отшашу» жіберді. Осының нәтижесінде кем дегенде 12 басқыншының көзі жойылды», – делінген хабарламада.

Украина Қарулы күштері офицері Анатолий Штефон әзірге басқыншылар шығындары жөнінде болжамды мәліметтер бар екенін жазды. Оның айтуынша, «200-дік жүк» қатарында бригаданың жаңадан тағайындалған командирі, артиллерия бригадасының командирі, барлау бригадасының командирі, сондай-ақ басқа да басқару офицерлері бар.

Бұдан бөлек, тағы 7 оккупанттың жараланып, саптан шығып қалғаны айтылып жатыр.

Донецк облысының Авдеевка қаласы маңында украин жауынгерлері Javelin және «Стугна-П» танкіге қарсы ракета кешендерімен Ресей армиясының кемінде үш соғыс машинасын талқандаған.

Бұрнағы күні, 26 желтоқсанда украин жауынгерлері дұшпанның 650 солдатын жер жастандырған болатын.