Украина Ресейге жауап ретінде оның өңірлерін атқылауға кірісті
МӘСКЕУ. 30 қараша. Украина РФ армиясының атқылауларына жауап ретінде жаудың шекаралас аудандары инфрақұрылымдарына ракета жөнелте бастады. Бұл туралы The Moskow News хабарлады.
«Украина Курск облысына 11 ракета атты», – деп мағлұм етті осы өңірдің губернаторы Роман Старовойт. Оның айтуынша, бұдан зардап шеккендер жоқ. Алайда, снарядтардың бірі энергия желісін талқандап кетіп, екі аудан – Суджан мен Коренев бірден жарықсыз қалған. Мамандар жағдай қауіпсіз болған кезде оны жөндеуге кіріседі.
Старовойт сол күні ертерек Теткино кентінің атқылауға ұшырағанын хабарлаған еді. Ол кемінде 10 зарп жасалғанын айтады. Нәтижесінде электрмен қамтамасыз ету нысанына залал келіп, елді мекен жарықтан ажырап қалған.
Осы күні сондай-ақ Белгород облысының Шебекин округі де атқылауға тап болған. Оны баяндаған губернатор Вячеслав Гладков атысқа Муром және Новая Таволжанка селолары ұшырағанын атап көрсетті. Мұнда да зардап шеккендер жоқ. Бірақ газ құбыры мен электр желісі, сол сияқты бірқатар жеке үйлер зақымданған. Ал Новая Таволжанкада бір мекеменің ғимараты қиратылған.
Шебекино бұдан бұрын да осындай атқылаудың астында болыпты. Атап айтқанда, 11 қазан күні жергілікті шағын станция істен шығыпты. Үш күнненк кейін Белгородтың өзіндегі «Луч» жылу-электр орталығы жанып кеткен.
