Ресей Украинамен «астық үшін» соғыста да жеңіліс тапты
ЫСТАНБҰЛ. 3 қараша. Ресей өзі Украина жерінен тонап әкеткен астыққа байланысты аяқ астынан бұған дейінгі келісімді бұзған әрекетінде де теңдікке жете алмайын деп тұр. Бұл туралы The Moskow News хабарлады.
«Ресей президенті Владимир Путин «астық келісімінің» бұзылғанын мойындамаған Түркиямен ашық кикілжіңге келуге бата алмай, Кремльдің бұған дейін сес көрсетуіне қарамастан, украин азық-түлігін сыртқа шығарып беруге уәде етті», – делінген хабарламада.
Астық жөніндегі келісімнен шыққандарын жариялағаннан кейін арада төрт күн өткесін РФ қорғаныс министрлігі өзінің тамыз айының басынан бері Украинаның 10 млн тонна агроөнімдерді сыртқа шығаруға мүмкіндік берген «гуманитарлық дәлізге» қатысуын қалпына келтіретінін баяндады.
Ресейдің дәлізде ұрыс қимылдарын жүргізбеу жөнінде талабына сай Украина сенім хат тапсырды. «Түркияның арқасында» қол жеткізудің орайы келген бұл «кепіл жеткілікті» болып табылады, деп атап көрсетті РФ қорғаныс министрі.
Түрік қорғаныс министрі Хулуси Акар соңғы үш күнде ресейлік әріптесі Сергей Шойгумен қайта-қайта сөйлесумен болды. Соның басында ол Түркия туы астындағы астық тасушы кемелердің Украинаның Қара теңіздегі порттарынан шығуды жалғастыратынын мәлімдеп, дәліздің қауіпсіз бөлігіне «кедергі келтіру мен арандату» әрекеттерін жасамауға шақырды.
Түркияның Қара теңіздегі кемелері саны жағынан Ресейдікінен үш есе көп.
Дүйсенбі күні түріктердің қорғауымен 12 кемеден тұратын астық керуені украин порттарынан шықты, Дарданелл бұғазына қарай бет алды.
Сөйтіп, Ресей бұл жолы да украин астығына залал жасай алмай қалды. Халықаралық сарапшылар бұған Түркияның өте қатқыл талабы тікелей әсер еткенін айтып отыр.
