АҚШ Украинаның жаңа қарсы шабуылы 2025 жылы болатынын баяндады
УАШИНГТОН. 5 мамыр. АҚШ президентінің қауіпсіздік жөніндегі көмекшісі Джейк Салливан Украинаның қарсы шабуыл жасауды 2025 жылға жоспарлап отырғанын айтты. Бұл туралы The Moscow News ақпарына сүйенген rast.kz хабарлайды.
Financial Times мәтбұғаты хабарлағандай, Салливан АҚШ-тың жаңа әскери көмек пакетіне қарамастан, ресейліктердің әлі де «алдағы кезеңде» майдан даласында серпілістерге жетуді күтіп отырғанына тоқталды. Дегенмен, ол Вашингтонның көмегі арқасында Киевте 2024 жылы «майдан шебіне төтеп беру» мүмкіндігі болады деп санайды.
Салливан содан кейін келесі жылғы соғыс сценарийіне тоқтала отырып, Украинаның сол кезде «өзінен тартып алынған аумақты қайтару үшін алға жылжитынын» мәлімдеді.
Сәуір айының басында Украина президенті Володимир Зеленьский жаңа қарсы шабуылдың жоспары жасалғанын, бірақ оны жүзеге асыру үшін АҚШ-тың әскери көмегі, оның ішінде заманауи қару-жарақ қажет екенін айтқан болатын. Ол жеңіске жету мүмкіндігін адамдардың санына емес, қару-жарақтың сапасына байланыстырды.
Сәуірдің соңында АҚШ президенті Джо Байден Украинаға әскери көмекке 60,64 миллиард доллар бөлу туралы заң жобасына қол қойды. Онда басқа қару-жарақтармен қатар, 300 шақырым қашықтағы нысанаға дөп тиетін ATACMS зымырандары да бар. Уашингтон кеше осы ракетамен Ресейдің кез келген қаласын атқылауға рұқсат берді. Осыдан кейін Украина Қарулы күштері Қырымға соққы жасады.
