Кадыров ұлдарына «шешен ерлері» есімдерін бергендерге ақша таратты
ГРОЗНЫЙ. 14 қаңтар. РФ-ның Шешенстан өңірінің басшысы Рамзан Кадыров балаларына «шешен батырларының» есімдерін берген ата-аналарға 90 млн рубль көлемінде ақша ұсынды. Бұл туралы chechnya.gov.ru ақпарына сүйенген rast.kz хабарлайды.
Шешенстанда республика басшысы Рамзан Қадыровтың Тарих жылының қорытындысында жариялаған «іс-қимылының» қорытындысы шығарылды. Өткен айдың соңында ол балаларына «Халық қаһармандарының» есімдерін қойған тұрғындарға 500 мың рубльден сыйақы төлеуге уәде берген еді. Бірақ ол тек 31 желтоқсанда туған ұл балаларға қатысты жүргізілмек.
Кейін Кадыров бұл күні 222 бала дүниеге келгенін, оның 42-сі қыз екенін баяндады. Оның айтуынша, 180 ұлдың ата-анасына барлығы 90 миллион рубль төленеді.
Есімдер арасында ең көп қойылғандары Байсангур (79) мен Шейх Мансур (53) болып шықты. Олар – Кавказ соғысына қатысушы және XVIII- XIX ғасырлар түйісінде Ресей империясының экспансиясына қарсы күрескен ислам уағызшысы. Үшінші орын Ахмат (Ахмад) есіміне бұйырды – ол 23 ұл балаға қойылды. 2004 жылдың 9 мамырындағы лаңкестік әрекет салдарынан қаза тапқан Рамзан Қадыровтың әкесінің аты осылай еді. Оған президент Владимир Путин қайтыс болғаннан кейін Ресей Батыры атағын берді. Үздік бестікті Мұхаммед-Башир (10) және Зелимхан (5) есімдері толықтырды. Біріншісі – Иордания армиясының генерал-майоры, екіншісі – абрек және Ресей империясындағы 1905 жылғы революцияға қатысушы. Сәбилерге есім беру ұсынылған «халық қаһармандарының» толық тізімін «Chechnya Today» сайты жариялады.
Кадыров 180 баланың барлығына аты-жөні расталған туу туралы куәлік берілгенін атап өтті. Олардың ата-аналарына уәде етілген төлемдердегі ақша Ахмат Кадыров атындағы қордан бөлінеді. Алдағы уақытта қаражат Шешенстан Денсаулық сақтау министрлігі арқылы алынады.
Кадыров «акцияға» қатысушылардың барлығына алғысын білдірді.
