USD
ЛОНДОН. 17 ақпан. Англия премьер-лигасында ойнайтын «Манчестер Сити» футбол командасының 2014 жылы қол жеткізген ел чемпиондығы атағы алынуы мүмкін. Бұл туралы Daily Mail хабарлады.
Бұған клуб басшылығының соңғы жылдары фэйр-плей қаржы тәртібін бұзғаны анықталғаны себеп болып отыр.
«Манчестер Сити» 2012 жылы да чемпион атанған. Алайда клубтың қаржы тәртібін қай жылдар кезеңінде жасағаны әзірге белгісіз. Сондықтан мұның бәрі толық тексерілгеннен кейін анықталады.
Еске сала кетейік, өткен жұма күні УЕФА қаржы қитұрқылықтарына жол бергені үшін «Манчестер Ситиді» екі жылға Чемпиондар лигасы ойындарына қатысудан шығарып тастады. Бұған қоса, клубқа 20 млн еуро көлемінде айыппұл салды.
Бұдан кейін Англия футбол федерациясында команданы чемпионаттың төртінші рангалы тобы – екінші лигаға жіберу жөнінде мәселе көтерілді.
«Ситидің» баспасөз қызметі осы аралықта клуб басшылығының УЕФА шешімінің күшін жою жөнінде Спорт арбитраж сотына (CAS) шағымданатынын мәлімдеді. Егер «қалалықтар» осы сотта жеңіп шықпаса, оларды 2016 жылдан бері жаттықтытып келе жатқан Хосеп Гвардьола да командадан кететінін білдірді. Испан жаттықтырушысын итальянның «Ювентус» командасы қайта-қайта шақырып отыр.
