USD
УАШИНГТОН. 6 сәуір. Кеше АҚШ президенті Дональд Трамптың ұстанып отырған саясатына қарсы мыңдаған адам шерменделер шеруін бастады. Бұл туралы DW ақпарына сүйенген rast.kz хабарлайды.
Ұйымдастырушылардың мәліметінше, Америка астанасындағы Уашингтон ескерткішіне 20 мыңнан астам адам келген.
Жалпы, елде Трампқа қарсы шерулер мен митингілер бұдан бұрын басталып кеткен.
5 сәуір, сенбі күні 150 әртүрлі топ АҚШ президенті Дональд Трамп пен америкалық миллиардер Илон Маскке қарсы бүкіл ел бойынша 1200-ден аса шеру ұйымдастыруды жоспарлаған екен. Олардың ішінде кәсіподақтар, азаматтық құқық жөніндегі ұйым, сайлауда жұмыс істеген ардагерлер мен белсенділер бар.
Шерулер мен митингілердің өтетін жері Уашингтонда Ұлттық молл болса, 50 штаттың өз алаңдары белгіленді.
Уашингтонда шеруге шыққандар қолдарына «Тарт қолыңды!», «Бұл – менің президентім емес!», «Фашизм келді», «Зұлымдықты тоқтат!» деген жазулары бар баннерлер ұстап тұрды.
Келгендердің бірі, 66 жастағы Джейн Эллен Сумс қазір Трамп әкімшілігінің Американың демократиялық институттарын қалай қиратып жатқанын үреймен бақылап отырғанын айтты.
Наразылық шерулері Парижде, Римде және Лондонда да өтті.
Бұдан бұрын америкалық демократ Кори Букер елді басқарып отырған Трамп билігінің қаншалықты қауіпті екенін айтып, ұзақ сөз сөйлеуден рекорд жасап еді. Нью-Джерси штатынан сайланған депутат 25 сағат 5 минут сөз сөйлеп, АҚШ Конгресі жоғарғы палатасының қазіргі заманға тарихының рекордын жаңартты.
