Жолтай Жұматтың романдары түрік тілінде бағасын алды

Түркиядан жақсы, жағымды жаңалық келді. Белгілі жазушы Жолтай Жұмат-Әлмашұлының «Ащы да тәтті өмір» атты шағын романдар жинағы туралы рецензия Түркияның «Kardes kalemler» («Туысқан қаламдар») атты әдеби журналының маусым айындағы нөмірінде жарияланды. Оның авторы түрік профессоры Орхан Сүйлемез қазақ прозаигының кітапқа кірген «Олигарх және олимп», «Интерадам» деген туындыларына тереңінен тоқталып, оның бүгінгі әлем әдебиеті процесіндегі орны жайында ой қозғайды.