USD
ЕРЕВАН. 8 мамыр. Армения премьер-министрі Никол Пашинян Украинамен жүргізіп жатқан соғысында өз елінің Ресеймен одақтас бола алмайтынын мәлімдеді. Бұл туралы The Moscow Times ақпарына сүйенген rast.kz хабарлайды.
«Біз бұл мәселеде Ресейдің жағына шығып кете алмаймыз», – деді Хайастан үкіметінің басшысы.
Никол Пашинян үкіметтік брифинг барысында Украина мәселесінде Ресейдің одақтасы емес екенін баяндады.
«Біз Украинаға гуманитарлық көмек жібердік, мен Украина мәселесі бойынша Ресейдің одақтасы емес екенімізді айттым», – деді Пашинян президент Володимир Зеленськийдің Ереванға жақында жасаған сапары және Мәскеу тарапынан болған сын туралы сұраққа жауап бере отырып.
Армян үкіметінің басшысы Ереванның бұрынғы кеңестік республикалардың аумақтық тұтастығын тануға негіз болатын Алматы декларациясын басшылыққа алатынын атап өтті.
«Бұл – біздің негізгі ұстанымымыз», – деді ол.
4 мамырда Украина президенті Володимир Зеленський Еуропа саяси қоғамдастығының VIII саммитіне қатысу үшін Ереванға келді. Іс-шараның өзі және оған украин көшбасшысының қатысуы Ресей Сыртқы істер министрлігінің наразылығын тудырды. Ведомство ресми өкілі Мария Захарова армян билігін «Ресейге қарсы іс-қимыл жасады», Мәскеу мен Ереванның екіжақты қатынастарының «қатты асқынуына» жол ашты және Зеленськийді «өте жылы шырайлы» қабылдады деп айыптады.
Кейінірек Ресей Сыртқы істер министрлігі Арменияның Мәскеудегі елшісі Гурген Арсенянды шақырды. Министрдің орынбасары Михаил Галузин дипломатқа «Ресей мәнзіліне террорлық қоқан-лоққысын» білдіруі үшін Зеленськийге «мінбер ұсынудың үзілді-кесілді тиімсіз нәрсе» болғанын атап көрсетті.
