USD
ЕРЕВАН. 4 шілде. Елде тұрақты тұрмайтын Армения азаматтары енді бұл республикада өтетін жалпыұлттық сайлауларға қатыса алмайды. Бұл туралы The Moscow Times ақпарына сүйенген rast.kz хабарлайды.
Мұндай шешімді Хайастан (Армения) парламенті қабылдады, ал оппозиция бұған дауыс беруге бойкот жариялады.
Армения парламенті шетелде тұрақты тұратын ел азаматтарының сайлауда дауыс беруін болдырмайтын түзетулер қабылдады.
«Заң жобасын 3 шілде, жұма күні Ереванда өткен кезектен тыс отырыста оппозициялық бойкот жағдайында басқарушы партияның 63 депутаты бірауыздан қолдады», деп хабарлайды DW тілшісі.
Түзетулерге сәйкес, сайлауға 48 күн қалғанда (немесе кезектен тыс сайлауға 28 күн қалғанда) республикада тұрақты тұратын Армения азаматтары ғана жалпымемлекеттік сайлауда және референдумдарда дауыс бере алады. Бұл дегеніміз – пкөрсетілген күндегі жағдай бойынша олар елде екі жылдан астам уақыт болуы керек (өткен 730-дан кем дегенде – 366 күн).
«Армения» оппозициялық фракциясының депутаттары Конституциялық сотқа азаматтардың сайлау құқығын шектейтіндіктен, бұл түзетулер жөнінде шағым білдіретіндерін ескертті.
