USD
КИЕВ. 26 маусым. Украина президенті Володимир Зеленський Ресейді бітім сұрауға мәжбүр етуге арналған 40 күндік қауырт шабуыл жасау операциясы жоспарын бекітті. Бұл туралы The Moscow Times ақпарына сүйенген rast.kz хабарлайды.
Украина президенті Володимир Зеленський Украинаның қауіпсіздік қызметі жүзеге асыратын 40 күндік операция жоспарын бекітіп берді. Оның мақсаты Мәскеуді соғысты аяқтауға мәжбүр ету болып отыр. Мұның жай-жапсарын УҚҚ (Украина қауіпсіздік қызметі) басшысы, генерал-майор Эугений Хмара өзінің жеделхат арнасында баяндады.
Баяндау барысында, Зеленський атап өткендей, «алыс қашықтықты санкциялар, орта қашықтықты санкциялар жоспары» және майдандағы «Альфа» арнайы операциялар орталығы жұмыстарының нәтижелері талқыға түсті.
Президент Украина қауіпсіздік қызметінің бірнеше ай қатарынан әртүрлі типтегі дрондарды қолданудың арқасында позицияларды қорғауда ең жақсы көрсеткіштер көрсетіп келе жатқанын, ал «Альфа» арнаулы операциялар күштері орталығының Ресей армиясының адам күштері мен техникаларына соққы беруде көшбасшы болып табылатынын атап өтті.
Мемлекет басшысы алдағы операцияның егжей-тегжейін ашқан жоқ, оның қашан басталатынын да айтпады.
Зеленський осының қарсаңында, 24 маусым күні Украина Қарулы күштерінің Қырымдағы операциясы жоспарлағандай «өте дәлме-дәл» жүріп жатқанын мәлімдеді. Ал G7 саммитінде әріптестердің уәде еткен көмегін алу Украинаға Ресейді бейбіт күнді таңдауға мәжбүр ететін жағдайларға тез алып баруға мүмкіндік береді. Бірақ ол бұл жерде сөздің нақты қандай көмек туралы болып тұрғанын нақтыламады, сөйтсе де, Киевтің бұған оң жауап алатынына «өте сенетінін» және «оның не жайында болатынын анық білетінін» айтты.
Суретте: Зеленський мен Хмара
