USD
АҚШ-тың арнайы өкілдері Стив Уиткофф пен Джаред Кушнер Мәскеуге ұшып барды. Олар Владимир Путинге Дональд Трамптың сәлемін, анығы – жаңа бітім жоспарын апарған. Осыдан соң, екеуі Киевке ұшады.
Кеше Уашингтонның арнайы өтінішіне Киев келісіп, Уиткофф пен Кушнер Ресейде жүргенде Мәскеуге шабуылдамайтынын айтқан. Оған қоса, Киев Мәскеуге уақытша бітім ұсынған. «Астаналарды ғана емес, майданның барлық шебінде ұрысты 3 күнге тоқтата тұрайық», деген.
Бүгін Путин бұл ұсынысқа жұтаң жауап қайтарды. Алдағы 3 күнде Киевке шабуылдамауға келісті. Бірақ майдандағы ұрысты тоқтату туралы жақ ашпады.
Жалпы сарапшылар «Мәскеу бұл жолы да Уашингтонның бетін қайтарады», деп топшылауда.
Ал кеше Ресей Киев пен Бориспольдегі әуежайға соққы жасады.
Володимир Зеленський: «Украина Ресейдің бұл қадамын есепке жазды және келесі аптада Ресейдің әуе кеңістігіне қатысты операцияны осыған сәйкес бейімдейді», – дейді.
Тағы бір маңызды ақпарат: Кеше Ресей Киевтегі Украина Қарулы күштерінің бас ғимаратына соққы берді.
Сондағы көздегені Олександр Поклад болған. Поклад – Украинаның Ұлт батыры. 52-де. Генерал-майор.
Президент Зеленський Покладқа тікелей тапсырма берді. «Жауабын Мәскеуге еселеп қайтар», – деді.
Енді контр-барлауды басқарған Поклад аянып қалмасы анық. Енді Мәскеу жақтан бір суық хабар күтеді жұрт.
Нұргелді ӘБДІҒАНИ
5 қыркүйек, 2026
