USD
МИНСК. 12 қыркүйек. Беларусь президенті Александр Лукашенка кенеттен өз армиясының жұмылдыруға қаншалықты әзір екенін байқап көруге бекінді. Бұл туралы The Moscow Times ақпарына сілтеме жасаған rast.kz хабарлайды.
«Беларусь Қарулы күштерінің жұмылдыру шарасына дайындығы барысын тексеру қажет», – деп мәлімдеді республика президенті.
«Мен халыққа айтып та қойдым: армияны бір сілкіп алуымыз керек, уақыты келді. Бүкіл армияны. Бәрін тексереміз. Әскер қатарына жұмылдыруға дейін», – деді Лукашенка Брест облысы жеріндегі жалпы әскери полигонда. Ол қазіргі уақытта өзінің тапсырмасы бойынша артиллерия бригадасы тексеріліп жатқанын, ал бұған дейін танк және мотоатқыштар бөлімшелері тексеруден өткенін еске салды.
«Бәрін тура соғыстағыдай етіп жасаймыз. Соғыстың алдын алу үшін соғысқа дайындаламыз», – деп атап өтті Беларусь президенті. Бұған қоса, ол өздеріне «агрессия риторикасы» мен «дөң барлауын» көрсетіп қоятынына қарамастан, көргі елдерге шабуыл жасау ниеттерінде жоқ екенін айтып сендірді.
«Біз прагматикпіз. Біз егер, мысалы, көршінің біріне шабуыл жасар болсақ, оның өліммен тең екенін түсінеміз. Қатарлас орналасқан «монстрлармен» жанжалда ұта алмаймыз. Ондай жағдайда соғысты бастаудың не қажеті бар?», – деді Лукашенка.
Сонымен бірге, оның айтуынша, Беларусь ахуал ушыққан жағдайда барлық уақытта оған дер кезінде және адекватты реакция жасауға дайын болуы керек екен.
Лукашенка бұдан бұрын да бірнеше рет Минскінің соғысқа дайын екені жайлы мәлімдеген болатын.
